Home Gobierno KPA lo por concentra mas na combati y preveni crimen pisa

KPA lo por concentra mas na combati y preveni crimen pisa

9
0
SHARE
- Advertisement -

Minister Bikker: Reforzando Task Force Bureau City Inspector:

ORANJESTAD (AAN) — Minister di Husticia mr. Andin Bikker a subraya den conferencia di prensa, cu ayera tabata un dia historico den cual ta subraya e deseonan di Gabinete Wever-Croes den e direccion aki.

Poniendo tur cos den un contexto, e dignatario a expresa cu e kier pa Cuerpo Policial di Aruba concentra su mes den preveni y combati e crimen pisa, manera atraco, hortamento den cas, etc., cu ta delitonan cu tin hopi impacto den nos comunidad.

Den mesun momento e kier trece un balansa unda cu e otro tipo di infraccionnan cu pa e ciudadano ta sumamente importante pa nos leynan wordo reforza y respeta y tin control riba esaki, den cuadro di e maneho aki a yega na e prome paso cu ta e Ministeriele Beschekking aki.

E titular di Husticia a acentua cu asina ta subraya y duna señal cu e otro leynan tambe, yama Bizonder Verordening, entre nan e Gender Verordening y otro ordenanzanan y articulonan den e APV cu tambe ta importante pa wordo reforza.

E mandatario a splica cu cada bez cu bin un ley nobo cu ta un Bizondeer Verordening, nan ta core apunta KPA como esun cu tin cu reforza e ley. Pero debi cu KPA tin cantidad di tarea cu e ta wordo apunta pa ehecuta, hopi biaha e no tin suficiente tempo mientras e ta wordo acerca pa tuma accion riba otro cosnan.

Minister di Husticia a constata cu e trabao di KPA ta grandi pa loke ta trata prevencion y combatimento di criminalidad den su totalidad.

“ Pesey, awe pueblo di Aruba por conta cu e Task Force aki, y tambe e meld punt unda por yama y cu ta bay tin atencion specifico door di e Cuerpo special aki, investi cu mas autoridad cu nos a apunta”, e dignatario a expresa.

E mandatario a subraya cu den e acuerdo di gobernacion nan kier pa no solamente KPA bay recht su mes riba su tarea principal di preveni y combati criminalidad pisa, pero na mesun momento ta bay apunta, via e BOA Opleiding (Bizonder Opsporingsambtenaar, pa mas persona investi cu e poder huridico y legal, pa nan por controla e otro “bizonder verordeningnan”. Pues den e concepto aki, e documentonan cu a keda firma ayera ta cuadra cu e vision aki y den esey.

 

- Advertisement -

DUNA COMENTARIO

Please enter your comment!
Please enter your name here