Home Comercio KvK ta papiando pa Aruba bira di 2 Waf cu lo por...

KvK ta papiando pa Aruba bira di 2 Waf cu lo por cay bao Panama

461
0
SHARE
- Advertisement -

ORANJESTAD (AAN); Mirando e situacion actual unda cu comercio na Aruba lo mester busca pa sigui crece y no keda dependiente riba un solo mercado, a bin cu e idea pa habri un di 2 waf cu lo por cay bou di Panama.

Sr. Ernst Mohamed Presidente di Camara di Comercio a mustra cu KvK tin un posicion unda lo tin un opinion di peso pa loke ta trata comercio, y pa motibo cu esaki Sr. Ernst Mohamed a expresa cu un Gobierno no lo por sa tur cos den tur sentido y pa comercio por keda drive no lo por keda sinta y como isla lo mester keda busca diferente posibilidadnan nobo den e region.

Gobierno lo por busca ayudo den e sentido pa busca areanan nobo pa comercio unda cu tin diferente organizacionnan cu lo ta concerni den e area, manera Raad van Advies, Algemene Rekenkamer, anto como minister of gobernante por ricibi e orientacion , caminda cu riba e punto aki mesun presidente di Camara di Comercio a sinta cu varios parlamentario y Minister caba pero nan lo mester scucha y tene na cuenta e conseho y guia den area di comercio di ken lo por garantisa di e forma aki e bon maneho di e recursonan financiero di nos pais.

Aña pasa tur e gobernantenan a sinta den reunion cu representantenan di Camara unda aspectonan a worde defini y a tuma algun decisionnan y tur dirigente a haya un copia di e buy paper unda cu lo tabata poni cua lo tabata e problematica pero tambe cu e posibel solucion cu lo por aplica tambe ya cu Camara di Comercio su funcion ta pa haya e problema cu tin den area di comercio y alavez presenta e posibel diferente solucionnan y evalua cua lo ta esunnan indica.

Por ultimo, Sr Ernst Mohamed, Presidente di Camara di Comercio, su punto di opinion pa loke ta trata e aña aki nan ta bezig cu Young Entrepreneurs di San Nicolas y lo bay keda traha tambe cu San Nicolas Business Association, SNBA, caminda cu nan lo wak kico ta e variedad di retonan cu nan ta premira di logra y di cua forma Camara lo por support cu esey, unda cu naturalmente esaki lo ta e rol fundamental di Camara di Comercio di Aruba.

- Advertisement -

DUNA COMENTARIO

Please enter your comment!
Please enter your name here