Home Gobierno Lo bin cu un sistema di camara di seguridad pa e lugarnan...

Lo bin cu un sistema di camara di seguridad pa e lugarnan di benta di lotto

133
0
SHARE
- Advertisement -

Minister di Husticia mr. Bikker:

ORANJESTAD (AAN) – Den conferencia di prensa di Gobierno, mr. Andin Bikker, titular di Husticia a duna di conoce, entre otro, cu gobierno a constata cu diferente departamento cu ta parti di KPA, tambe a indica cu nan tin falta di material.

Gobierno ta bezig pa provee den esaki cu e espacio cu presupuesto 2018 ta duna su ministerio. A bin tambe cu un programa di estimulo pa prevencion di kiebro y ladronicia den dominicionan priva, entre otro, e lugarnan di benta di lotto cu ta wordo hopi molestia pa bishitantenan indesea.

Otro siman, e mandatario lo anuncia con ta bay ataca e problema aki. Lo bin cu un sistema di camara cu aworaki ta bezig ta deliberando riba dje, pa por pone esaki “in place”.

Tambe el a reitera cu lo activa bek e diferente postnan di Polis di Bario y nan a firma pa restaura algun punto cu FCCA, encuanto esaki. E meta ta pa polis di bario ta mas cerca di pueblo, ya cu lamentablemente durante e transcurso di añanan di gobierno anterior e sistema aki a bay atras.

Fuera di esey tin e aan pack di Healing. Esaki ta nifica, segun e dignatario, esaki ta ora un institucion of personanan ta cumpra cosnan cu no ta procedente di origen legal.

Pa preveni esaki lo stroba of haci dificil cu ora un persona horta algo e por rebende esaki. Gobierno ta biniendo cu un sistema di registracion cu lo haci hopi mas dificil ora un hende hinca den su cabes cu e lo por bende cosnan horta.

Fuera di esey lo bin cu un “strafe process” unda personanan cu aworaki tin un caso penal y cu e victima no tin derecho di expresa con e crimen a afecte, lo bin cu e proceso aki, cu na Hulanda ta avanzando caba y nan kier bin cu mas dimension riba dje. Gabinete tine den su programa di Gobernacion.

Tambe siman pasa a firma pa bin cu un sistema multidisciplinario pa preveni y combati criminalidad, y evita pa esnan cu a desvia di e caminda corecto ora nan sali for di e Instituto Coreccional (KIA) cay bek den delito.

E mandatario lo biaha pa Hulanda dia 20 di Maart awor pa reuni cu su coleganan di Husticia di Hulanda y di Curacao, tocante e intencionnan di nos pais conhuntamente cu Reino Hulandes, pa yega na un Instituto Coreccional nobo. Sea lo renova KIA of traha un nobo, pasobra e no ta adecua, y esnan cu ta traha eyden tambe ta traha bao circumstancianan hopi dificil, y tambe e detenidonan ta sinta castigo bao circumstancianan dificil, segun e dignatario a comenta.

Esaki ta un prioridad pa e maneho di combati y preveni criminalidad.

 

- Advertisement -

DUNA COMENTARIO

Please enter your comment!
Please enter your name here