Home Enseñanza Magali Brito di SEPPA ta indica cu docentenan ta keda bisa “No”

Magali Brito di SEPPA ta indica cu docentenan ta keda bisa “No”

151
0
SHARE
- Advertisement -

ORANJESTAD(AAN): Cada biaha e mensahenan ta keda mescos di e maestronan. E encuentronan ta salanan yen di maestro. Den pasado no a mira salanan yen di tanto maestro cu ta mira con importante ta pa atende cu e situaciona ki. A conoce hopi reunion cu a invita maestronan cu sala ta bashi. Por a mira cu tur sala cu a sa di asisti, ta yen. Tin interes pa e situacion y e ta preocupante.

Segun Magali Brito, Secretario General di SEPPA a splica cu e situacion en berdad ta preocupante pa docente y no docentenan. Tin cu keda ripiti cu e situacion aki ta regarda tur hende cu ta traha bao di DPS.

SEPPA ta keda haya peticion pa dianan pa duna informacion. Ta keda purba mas tanto cu ta posibel of mas lihe posibel pa pone e diferente schoolnan hunto, caminda cu ta comparti informacionnan cu tin. Duna un presentacion di locual cu a worde duna door di gobierno riba e tema aki y e informacionnan cu ta acumula te na e momentonan aki. Te na final, e grupo grandi di docente ta keda bisa no.

Lamentablemente nan no ta mir’e. E argumentonan no tey. Awor aki ta e docentenan mes ta pushando tras di un accion di firma, pa cual nan kier e ora eynan mustra tanto e gobernante, como e parlamentarionan, cu e idea cu nan ta carga cun’e, pa comberti DPS den un stichting, no ta carga e sosten di e grupo grandi di trahadonan cu ta resorta bao di DPS.

Reunion cu parlamentarionan

Diamars tabata tin un reunion cu e parlamentarionan di tur fraccion tabata presente na MFA na Noord. SEPPA tabata tey, pero ministero no. E sala tabata yen un biaha mas cu practicamente mayoria di e parlamentarionan, segun Brito. Sigur e comision fiho cu ta atende cu asuntonan di enseñansa di parlamento tabata tey pa scucha e trahadonan. For di e reunion eynan, e parlamentarionan por a haya un bista bon cla, kico ta e sentimento cu ta bibando bao di e trahadonan di DPS.

Pero tambe na unda cu nan ta mustra e pakico a cuminsa cu net e trahadonan, of nan posicion, of e parti di DPS pa bay over na un stichting y no a cuminsa na por ehempel na locual cu realmente ta para den e plan di gobernacion, esta pa eleva e nivel di enseñansa.

A cuminsa pak aan e diferente problemanan cu ta sosode na pia di trabao, cu e muchanan, falta di material, cu ta haci cu nan no por funciona na e miho manera y cu esey por ta causa tambe cu e enseñansa no ta dal stapnan grandi. E reunion di diamars tabata hopi importante cerca esnan cu a atende esaki y cu e mensahe tabata cla. Un biaha mas e parlamentarionan a priminti tur esnan presente cu si ta asina cu berdaderamente no tin dragflak y e mayoria grandi no ta di acuerdo pa bay over na un stichting, e ora di nan banda nan ta para banda di e docentenan.

E maestronan kier haci esaki mas lihe cu ta posibel, pasobra e proceso aki riba su mes mester worde para. Pero esey no ta kita afo cu tin otro trabaonan cu tin cu sigui. Entre otro, e maestronan kier pa gobierno busca un forma pa reenforsa DPS riba su mes. Pone tur e hendenan na nan luga, na e funcion cu cada un merece y pa percura cu realmente ta traha pa hiba nos enseñansa padilanti. Ta papiando di e futuro di nos muchanan, ta papiando di e futuro di Aruba y obviamente e posicion huridico di e docentenan tambe tin cu bin na discusion.

- Advertisement -

DUNA COMENTARIO

Please enter your comment!
Please enter your name here