Home Comentario Malcria pa politiconan mes?

Malcria pa politiconan mes?

16
0
SHARE
- Advertisement -

Remitido

Ora lesa den prensa local con directornan/dirigentenan di servicionan  y di companianan di gobierno ta worde , por bisa , lastra públicamente pasobra un of mas empleado no ta di acuerdo cu nan forma di maneha , e pregunta ta lanta si no ta politiconan mes  ta causante di e falta di respet y falta di privacidad , mal-usando prensa, den e casonan aki.

Ta e cantidad di votonan ora di elección ta conta momento di resolve desacoerdonan den servicionan y companianan di Gobierno?

Cardinal den e casonan aki ta e metemento di Ministernan den asuntonan pa cual nan tin cu mantene distancia si nan ke actua husto den conflictonan cu ta regarda nan Ministerio.

No ta pornada cu gritonan ta resona cada bes atrobe pa mantene Ministernan  leu di e maneho diario di nan departamentonan y companianan pa preveni  favoritismo/clientelismo cu ta stroba trato husto y igual di empleadonan y clientenan.

Laga nos tur spera cu “defensor di pueblo”/ “ombudsman” lo tin autoridad según ley pa actua riba petición di directornan/empleadonan/clientenan contra  trato discriminatorio  di moda cu no ta pone un Minister den cayente pa actua contra su mesun hendenan.

Aparte di por actua ta di spera tambe cu ley di “defensor di pueblo”/”ombudsman” ta duna e posibilidad cu e por intermedia di su mes ( sin ricibi peticion) prome cu un desacoerdo bira un conflicto. Si e posibilidad pa actua di su mes y di intermedia no ta den ley , por favor inclui e posibilidadnan  aki ainda.

Recomendación na Ministernan ta pa no actua sin investigación imparcial y sigur no busca publicidad si un asunto no ta completamente investiga, ta nomber di hende ta mancha y esey den un comunidad chikito. Bo mes lo ke?

 

  1. Arends.

rsarends@hotmail.com

 

- Advertisement -

DUNA COMENTARIO

Please enter your comment!
Please enter your name here