Home Social Marriott a keda honra di duna bon bini na artista Jeon

Marriott a keda honra di duna bon bini na artista Jeon

39
0
SHARE
- Advertisement -

ORANJESTAD (AAN): Tabata riba Diamars, cu staff y personal di Aruba Marriott tabata hopi contento y honra pa tabata tin e oportunidad pa yama bon bini y alaves tin como huesped artista local Jeon na hotel, como reconocimento pa su platinum record hit internacional ‘Machika’.

Un recepcion di bon bini a tuma lugar na entrada di lobby na Aruba Marriott Resort & Stellaris Casino unda Joerg Delin – Complex Director of Food & Beverage, Ben Figaroa – Casino General Manager y Stacey Banfield – Marketing Communications Manager hunto cu e staff y personal di e compleho a uni hunto pa asina duna Jeon y su famia un caluroso bon bini, tambe tabata tin un welcome cocktail special prepara pa nan y sin laga afo hopi entusiasmo.

E sentimento di gran aprecio pa Jeon a worde sinti asina cu el a tuma su prome paso pafo di e limousine hunto cu e sentimento di orguyo entre e asociadonan kendenan a brasa Jeon cu hopi orguyo y a felicit’e pa su exito.

Reconociendo y sosteniendo artista local Jeon pa su logro internacional y alaves gradici’e pa su esfuerso pa promove su isla di Aruba internacionalmente ta parti di Aruba Marriott su esfuersonan pa haci un impacto positivo dentro di e comunidad di Aruba.

Aruba Marriott ta felicita Jeon cu su prome platinum record hit internacional y ta desea Jeon un futuro ainda mas exitoso.

- Advertisement -

DUNA COMENTARIO

Please enter your comment!
Please enter your name here