Home General Melvin Tromp a dicidi boluntariamente pa rectifica

Melvin Tromp a dicidi boluntariamente pa rectifica

233
0
SHARE
- Advertisement -

Den caso entama pa Minister Besaril

ORANJESTAD   (AAN): Minister Plenipotenciario na Hulanda, Guillfred Besaril a entama un caso contra di ex parlamentario di AVP, Melvin Tromp, kende ta vocero di e partido. El a bay corte. Mr. Benvinda de Sousa, a comenta cu e caso a wordo entama pa sr. Besaril contra su cliente pa algun expresion haci den medionan di comunicacion.

Diaranzon mainta e caso a wordo trata. Como tal, ora cu bo wordo pidi pa rectifica, den hurisprudencia, ta poni bon cla cu bo tin cu mustra por lo menos un indicacion, comienso di un plausibilidad cu algo lo por a pasa.

Den e caso aki, cual ta uno delicado, cual e abogado no a drenta den detaye, ta opta pa dagvaar, pa manda yama testigonan, entre cual e victima, pa bin duna declaracion, bao di huramento, den corte. Ora cu a yama e testigonan, a bin sali na cla dado momento, cu un di e abogadonan liga na e bufete, conoce e famia hopi bon.

E abogado aki a bay combersa cu e famia ayera. Ta pesey no a tuma e decision prome. A bay combersa cu nan y cu e victima. A sali na cla cu e victima simplemente no ta den condicion pa duna un declaracion, ni pa bin corte. E victima, for di e tempo ey, ta asina traumatisa cu e tin problema cu salud mental. E ta un persona cu no por funciona normal pa temponan largo, den sociedad, locual ta un lastima.

E abogado a splica cu ta hopi doloroso. Combersando esey cu e cliente di de Sousa, el a tuma e decision cu maske cu e lo kier a sigui bringa su caso pa e demostra kico posiblemente a sosode, el a opta toch pa pone su interes y e interes politico un banda pa pone e interes di e victima cu ta completamente traumatisa, pone esey na prome luga.

Pa proteha e victima y pa e no haya mas dolor cu locual el a pasa tur e añanan aki caba y locual cu e caso aki, sigur sigur lo a ocasion’e mas ainda, pa e rebiba cosnan doloroso di su pasado. Esey a pone cu e cliente a bisa cu no por haci e cos aki cu hende. No por laga un persona bolbe sufri y haya mas daño ainda di locual e tin caba.

Como ser humano e cliente no por haci esey y ta pone su mes interes un banda, cualkier interes politico cu tin y lo rectifica voluntariamente y esey ta loke a bisa hues mainta. No a hiba ningun defensa. A hiba palabra prome cu tur cos, y asina cu hues a caba di anuncia partinan presente, de Sousa a hiba palabra pa su cliente y a splica hues cu su cliente no lo hiba defensa. Cu e cliente lo rectifica voluntariamente pa proteccion y anonimidad di e victima.

Rectificacion

Ora cu un partido pidi rectificacion, ta pone un texto den e peticion cu ta bay na hues, cu nan lo kier mira pa wordo rectifica cun’e. Den e caso aki de Sousa a bisa hues cu mirando e motibonan pakico cu su cliente no lo bay hiba un defensa, ta rectifica voluntariamente, si e lo por duna un sugerencia pa e rectificacion. E ora ey hues a indica cu mirando e texto cu a wordo pidi door di e contraparti, cual ta un texto basta neutral, e ora lo rectifica a base di e texto cu a wordo pidi.

Cliente di de Sousa a opta pa no trece mas polemica y lo rectifica na e forma cu a wordo pidi door di e demandante, pasobra simplemente no kier a drenta den mas detaye. Esey ta un escogencia cu su cliente a haci y cu de Sousa ta sumamente contento cu el a haci’e. E ta comend’e y ta orguyoso di dje pa a mustra su noblesa y su grandesa humano pa a tene un persona y un famia di e persona aki pafo di publicidad y no caus’e mas daño.

Awor aki ta wardando riba e sentencia. E caso a wordo uitgeroepen. Pa formalidad ta bin un sentencia, den cual ta wordo poni cu e cliente no a hiba defensa y cu lo rectifica voluntariamente.

E caso aki a cuminsa contra e persona y e insultonan ta sumamente fastioso, si por pon’e asina, den un manera mas simpel, pa su persona, vooral den e posicion cu e ta como minister plenipotenciario.

Segun abogado de Sousa, su cliente si a tene cuenta cu e famia, cu e dolor di e persona aki. El a dicidi di no sigui cu e caso aki. No hiba defensa. E demandante sinembargo si a dicidi pa cuminsa un caso. E ora bo no por palabra cu un demandante cu no lo sigui nada pa no haci daño na e famia, pasobra ta e cliente a tuma e decision pa no haci daño na e famia.

 

- Advertisement -

DUNA COMENTARIO

Please enter your comment!
Please enter your name here