Home Parlamento Melvin Tromp mustrando cu Gobierno ta gastando placa riba yen di cos...

Melvin Tromp mustrando cu Gobierno ta gastando placa riba yen di cos cu no ta sirbi interes di pueblo

121
0
SHARE
- Advertisement -

ORANJESTAD (AAN): Segun Melvin Tromp, Gabinete Wever Croes despues di mas di 100 dia di gobernacion, a confirma na varios ocasion cu interes di e gobierno di coalicion aki, no ta dirigi riba bienestar di e pueblo, bienestar di e pais.

Mientras cu di un banda ta bay prensa y papia  trankilamente di un probabel KB pa gabinete Wever Croes, di otro banda ta sigui gasta placa cu supuestamente no tin den caha di gobierno,  Melvin Tromp di partido AVP ta mustra.

“Ta hopi cos ta pasando caminda nos tin cu puntra nos mes si e cosnan aki ta realmente loke pueblo a kere aden ora cu miembronan di MEP a pasa haci cantidad di promesa cu awor nan no por cumpli cune.

Awor ta papia cu gobierno lo no ta bay logra na cumpli cu normanan stipula pa presupuesto 2018 y caminda ya caba Gobierno di Reino a anuncia siman pasa cu esaki lo nifica cu e gobierno di Evelyne Wever Croes, lo ricibi un KB.

Pero ta mas cu claro cu nan lo no por cumpli, sigur ora cu sigui di cerca tur loke a sosode den e prome 100 dia di gobernacion y aki nos por menciona con un Minister a instrui e tres fraccionnan cu ta sostene gobierno  den Parlamento, pa yama un reunion publico, caminda el a pasa man practicamente pa un suma di 6 miyon Florin, cu el a dicidi di bay gasta pa drecha un parti di e edificio di Bestuurskantoor.

Aki no ta trata di un proyecto di urgencia, sigur no ora cu gobierno mes caba ta sinta den un edificio moderno manera esun di Cocolishi y ta lanta e pregunta awor ta kendenan lo worde ubica den e oficinanan aki ora cu nan keda cla. Mas coordinador, mas consehero, mas amigo y famia?

Aki a pasa destina un suma di 6 miyon cu por a worde uza den otro forma y den e proceso pa reduci costo di gobierno pa cumpli cu e normanan vigente pero esaki ta bin despues cu Prome Minister Wever Croes, no a cumpli cu su promesa di reduci e cantidad di Minister na shete na luga di nuebe, ya cu segun su rekensommetje, esaki a yuda reduci gasto di gobierno cu 50 miyon.

Wever Croes hasta a insisti cu esun cu no ta di acuerdo cu shete minister pa nan bay forma gobierno cu AVP pero despues el a entrega su posicion y awor su gobierno tin ocho minister y un secretario di estado cu ta e di nuebe minister, cu tambe ta otro peso riba presupuesto di e pais.

Minister a dicidi di kita hendenan cu no ta sostene su partido na cantidad di departamento pero a pone back mas hende cu el a kita, causando otro gastonan extra riba presupuesto, pa colmo sin ainda e logra di hinca un presupuesto den otro.

Gastonan ta worde haci tur caminda, biahenan pa Hulanda, Ministernan cu a biaha caba pa Merca na varios ocasion,  cu a biaha pa Barcelona, Grecia, Colombia y cantidad di otro paisnan mas, sin cu ainda tin un presupuesto cla pa 2018 y ta mas cu claro cu un gobierno cu no tin un programa di gobernacion ainda, no por keda cla cu asuntonan financiero di e pais,”  Melvin Tromp di AVP ta mustra.

 

 

- Advertisement -

DUNA COMENTARIO

Please enter your comment!
Please enter your name here