Home Politica Mike tabatin 147 coordinador y awor Evelyn tin solamente 14

Mike tabatin 147 coordinador y awor Evelyn tin solamente 14

29
0
SHARE
- Advertisement -

AVP ta keha pero…

ORANJESTAD (AAN): Tin hende cu ta gusta reclama, y lanta stof pornada.  Siendo cu nan ta bon perdi y ta full fout.

Den henter fin di siman, e topico di “Salario” di esnan laborando cu Ministro den Gobierno tabata den discusion.

A hasta circula un nota cu supuesto salario.  Pero a resulta cu ningun di e salarionan riba e papelnan aki no ta corecto.  Ta parce cu AVP ta bruha tera cu papelnan fake di salarionan demasiado halto.

Pa di dos, no lubida cu e gobierno aki ta traha cu HOPI menos hende rond di nan.

Pa di tres, e gobierno aki ta paga salarionan cu ta normal den gobierno y no abusonan manera gobierno anterior.

Djis mira e ehemplo aki, unda ex-Prome Ministro Mike Eman tabata tin 147 hende ta traha cune!  Asina hopi hende, hasta ora cu Mike Eman a bay mira e Hardin cu alumnonan a crea na Colegio San Nicolas, cu hasta e coordinadornan fotografo di Mike Eman a dal den otro mahos.

Aruba su actual Prome Ministro Evelyn Wever-Croes tin ni 14 hende ta traha cune ainda. Cada un mester haci e trabao cu 10 hende tabata haci tempo di AVP pa e salario di 1.

Ainda AVP kier cuestiona?

Aruba su pais ta pasando den momentonan dificil di e forma con Gobierno di AVP a lage aden.  Y awor e Gobierno di MEP ta haciendo su maximo esfuerso pa baha gasto y ta logrando.  Y ta haciendo esey sin cu tin mester di cantidad absurdo di coordinador.

 

- Advertisement -

DUNA COMENTARIO

Please enter your comment!
Please enter your name here