Home Comercio Mimo’s Ice Cream Rolls a habri su porta nan na Paseo Herencia

Mimo’s Ice Cream Rolls a habri su porta nan na Paseo Herencia

12
0
SHARE
- Advertisement -

ORANJESTAD (AAN): Recien DIARIO a tuma nota cu Mimo’s Ice cream rolls a habri su portanan na Paseo Herencia.

Manera a nomber mes ta bisa, e ice cream ta bin den un roll y no un scoop. E metodo di traha ice cream aki ta masha popular na Thailand, Malaysia, Cambodia y Phillippnies pa varios aña caba.

E trend aki a worde introduci na varios parti di mundo y porfin el a yega Aruba tambe. Paseo Herencia ta orguyoso di por bisa cu nan ta e unico lugar na Aruba cu ta ofrece e tipo di ice cream aki.

E ice cream ta worde traha bo dilanti, bo ta kies bo base cual ta varia di sabor, sigui pa bo topping preferi cu lo worde hinca den e ice cream. E topping por ta fruta fresco of chuculati nan famoso manera Twix, M&M, Snickers etc. Y pa caba di drecha e cuenta bo ta kies bo syrup preferi pa pone riba bo Ice Cream.

Mimo’s Ice Cream conhuntamente cu Paseo Herencia ta invitabo pa pasa purba e ultimo trend di Ice Cream.

- Advertisement -

DUNA COMENTARIO

Please enter your comment!
Please enter your name here