Home Parlamento Minister di Enseñansa a bay Colombia pa atende conferencia di droga medicinalMinister...

Minister di Enseñansa a bay Colombia pa atende conferencia di droga medicinalMinister di Enseñansa a bay Colombia pa atende conferencia di droga medicinal

35
0
SHARE
- Advertisement -

ORANJESTAD(AAN): Fraccion di AVP den Parlamento a tuma nota cu e minister di enseñansa a biaha pa Colombia, y el a pone esaki den Social Media y cu na Colombia nan a legalisa droga medicinal y cu lo legalisa esaki tambe na Aruba.

Segun parlamentario Arthur Dowers, ora tin discusion cu ta trata di medicina, cual ta un discusion di minister di Salud Publico. No por ta asina cu bo tin un minister di enseñansa, cu ta atendiendo cu asuntonan di Salud Publico. Con un minister por biaha riba custia di pueblo, un minister di enseñansa, pa bay atende cu asuntonan di legalisacion di marihuana medicinal.

Tin un cos hopi straño andando. Sa cu e gobierno aki cu no tin un direccion completo, no tin un guia, tur hende pa nan cuenta, pero toch den e prome 100 dianan, ta hopi straño cu un minister di enseñansa cu tin cu atende cu e retonan cu tin den enseñansa, cual ta un proceso continuo, ta sinta den un conferencia di legalisacion di marihuana na Colombia.

E minister aki debe comunidad un splicacion. Con por ta posibel, cu abo den oranan di trabao, ta atendiendo cu asuntonan di droga y no di enseñansa.

Parlamentario Dowers ta sigur cu e minister aki no tin den su programa di enseñansa como tema legalisacion di droga. Esey ta primordialmente un asunto di salubridad publico. Lo kier tende tambe e reaccion di e minister di Salud Publico si e tabata na altura di e conferencia aki y si e mes tambe a bay y si con leu e lo ta e ora cu e proceso cu nan ta trahando riba dje, pa bay legalisa droga e ora.

En todo caso, fraccion di AVP ta hopi sorpresa cu e cos ta tumando na e forma aki.

Punto di bista:

E intension di e gobierno aki ta pa yena e pais aki cu droga, segun Dowers. Pasobra nan lo kier mira mas tanto hende droga, cu no ta compronde nan ta haci. Si tin hende sinta bao di palo, y por ta hiba nan vota pa keda na poder, esey lo ta un di e deseonan grandi di e gobernantenan ey. Sa cu tin varios di e gobernantenan aki ta liga na hendenan cu ta den traficacion di droga.

A yega di mira y detene nan den pasado. Varios di e hendenan aki, hasta lo ta rond di nan awor aki. Esaki ta un gobierno di Droga. Esey no ta nifica cu si acaso bo ta haciendo esey, cu bo tin cu hiba un discusion habri cu comunidad. Si e comunidad a vota pabo pa bay legalisa droga, e ora ey, bo ta liber pa haci’e. Fraccion di AVP no tin indicacion cu pueblo a vota pa legalisa droga. Hopi hende a mira e sufrimento cu tin na momento cu uza droga. A bringa cu e tema aki pa hopi aña.

Den pasado por a mira cu den caya di pais Aruba, ta pesta cu hendenan malo, adicto, segun Dowers. A traha hopi duro pa por contene e situacion y trankilisa e situacion tambe. A logra pa un parti grandi y ta spera cu sigui tambe cu e trabaonan aki, na luga di bay focus pa laga mas tanto hende bay uza droga y na luga di kita hende di bay uza droga, Dowers a conclui.

 

 

 

- Advertisement -

DUNA COMENTARIO

Please enter your comment!
Please enter your name here