Home Gobierno Minister di Husticia ta bolbe repasa e Plan di Accion pa combati...

Minister di Husticia ta bolbe repasa e Plan di Accion pa combati y preveni criminalidad

22
0
SHARE
- Advertisement -

ORANJESTAD (AAN) – Minister di Husticia, mr. Andin Bikker, a toca como di tres punto di agenda di conferencia di prensa, Dialuna, e tema criminalidad y combatimento-prevencion di esaki, pa cual el a traha un plan di accion.

E dignatario kier a refresca un rato e memoria di ex-minister di Husticia y awe Parlamentario sr. Dowers, segun el a expresa den e rueda di prensa.

Esaki riba e plan pa combati y preveni criminalidad cu mr. Bikker tin lunanan caba papiando riba dje.

Segun mr. Bikker e parlamentario di oposicion aki, ta na soño atrobe manera el a keda pa ocho aña largo.

Minister Bikker a subraya cu el a bay Parlamento dos biaha caba papia riba e plan aki y den conferencia di prensa tambe a elabora riba dje, y a bolbe hacie pa refresca e parlamentario concerni su memoria.

Minister Bikker a acentua cu gobierno si tin un plan y esaki ta encera cu ministerio di Husticia ta bay concentra riba combatimento di “High impact crime”.

Esaki ta crimennan cu tin un impacto hopi grandi riba nos comunidad, cu ta haci cu nos pueblo ta sinti su mes insigur.

Esaki ta crimen manera atraco, violencia, violencia domestico, y tur aspecto di inseguridad den su totalidad, pero tambe ora cu delincuente ta drenta den cas di un persona y ta horta su pertenencianan, etc.

Pues, delitonan cu nos comunidad ta haya cu mester pone un paro na nan.

Con ta bay haci esaki? Minister Bikker a splica:

Prome cu tur cos asina cu drenta un melding na KPA, percura pa ta lihe na e lugar di e suceso. Esaki lo sosode na diferente manera. Siman pasa e dignatario a reactiva e diferente casnan unda polis di bario ta ubica, pero tambe lo bay tin mas polis riba caya den puntonan estrategico, cu asina cu melding drenta nan lo por yega na e lugar, y den e cuadro aki nan ta trahando duro pa busca e autonan pa polis, cu lamentablemente, bao e Gabinete anterior a tarda, pa sigura cu lo bestel na tempo e autonan necesario pa KPA tin suficiente ekipo pa por opera debidamente.

Tambe lo intensifica e controlnan na e areanan di acceso na nos pais, manera aeropuerto, wafnan y tambe lo amplia e cobertura di e radar completamente. Tin combersacionnan ta tumando lugar pa por link e sistema di Radex cu mas sistema di data base di control, pa ora un persona drenta por tin mihor bista si e ta bon bini of no.

Los di esey, ta bay amplia e poder di control di Cuerpo Policial, cu e articulo 33 di LTU, unda cu e miembronan ta bay reactiva e autoridad di KPA manera tabata e caso te 2008.

E mandatario a subraya cu tin persona cu ta bishita Aruba y ta drenta na un manera incorecto, of ta drenta como turista y ta keda mas tempo riba nos Isla, y tin cu tambe ta falta respet di nos otro leynan di nos Codigo Penal, y ta comete, por ehemplo, atraco.

Tambe gobierno kier bin cu mas personal den KPA, di manera cu e dienst uniforma por hiba control riba esnan cu ta permanece na nos isla na un manera no desea y pa colmo ta comete actonan menos bon.

Ademas lo bin cu helicopter y drone surveillance y e proceso aki ta encamina.

E dignatario a indica cu e ta bezig cu tur e proceso di ley di contabilidad cu mester observa pa por yega na esaki, y e lo tuma un poco di tempo pasobra den ley tin cierto procesonan den termino di tempo cu ta prescribi.

 

 

 

 

- Advertisement -

DUNA COMENTARIO

Please enter your comment!
Please enter your name here