Home Enseñanza Minister Lampe ta kere cu Colegio Frere Bonifacius mester bay na un...

Minister Lampe ta kere cu Colegio Frere Bonifacius mester bay na un lugar apropia

94
0
SHARE
- Advertisement -

ORANJESTAD(AAN): Na prome instante e edificio Colegio Frere Bonifacius lo bay den man di universidad y nan tin e deseo pe. Mientras tanto e luga tey. Tin ta bisa cu e vloer ta swak. Tin diferente comentario.

Nos tin un minister di enseñansa nobo, kende ta sr. Rudy Lampe y a reuni cu e team di Frere Bonifacius, cu ta na un otro edificio. Nan ta haciendo un excelente trabao. Nan ta un di e schoolnan cu ta digitalisa enseñansa cual ta un ehempel pa e otro schoolnan.

E idea ta pa bay drecha ex Tarcisius School pa despues muda bay eynan y keda permanente, cu tambe tabata Scol Catolico y ta sigui ta propiedad catolico.

E propiedad bieu, unda cu Frere Bonifacius tabata, tambe ta propiedad di Obispado di Willemstad. E intension ta cu e propiedad di Bisdom sigui worde uza pa enseñansa catolico.

Universidad tin interes pa amplia nan infrastructura. Tin cu wak ki posibilidad tin cu lo por eventualmente cu Bisdom Willemstad, si ta posibel, cu Universidad di Aruba lo por amplia na cierto parti sin cu Bisdom Willemstad ta perde full e tereno y e tereno ta bay keda destina pa enseñansa catolico.

Frere Bonifacius na un luga apropia:

Ta inaceptabel cu e school a keda seis aña largo bo di e condicionnan cu e ta aden. Pesey lo bay traha duro pa mas pronto posibel cu pa ohala pa e aña escolar nobo, nan lo por muda pa bay na ex Tarcisius School banda di Elmar. Ta depende con rapido por haci e trabaonan di renobacion na e school eynan.

Demanda pa school

Prioridadnan ta riba nivel di school multilengual, independisacion di schoolnan publico, pero tambe ta dunando prioridad na e infrastructura di drecha e schoolnan existente y no laga nan hopi aña cera. Mas aña cera nan ta, mas atras nan bay. Pa asina por acomoda e demanda cu tin. E demanda pa school ta keda crece. Ta keda ricibi migrantenan di afo, inclusive tin un grupo di muchanan ilegal cu tambe tin derecho riba enseñansa cu mester atende. En berdad e presion riba infrastructura di school ta kedando grandi.

MAVO, HAVO na Noord:

Ta trahando riba plan di bin cu un MAVO, HAVO na Noord. Bo tin bo Colegio San Nicolas. Ta bay bin e ora MAVO, HAVO na Noord y na Playa, unda cu Colegio ta, ta bay keda HAVO/VWO. A dicidi cu ta un locatie so lo bay tin un VWO, cual ta na Playa. Ta un grupo hopi selecto bo tin cu uni e recursonan cu bo tin pa por duna e tipo di educacion aki. En berdad na Noord e plan ta pa bin cu MAVO y HAVO.

Y e fondo pa esaki, ta pensando den direccion en berdad pa e posibilidad di mesun sistema di private public project system, unda cu sector priva por inverti placa den construi e edificio y cu despues pais Aruba ta paga over di un x termino di aña pa asina aki por en berdad haya e facilidad aki. Gobierno na e momentonan aki mes no tin e fondonan pa haci un inversion asina cuantioso.

Scol Basico St. Aloysius na Noord tambe ta riba lista di prioridad. Mas of menos 6 school ta riba e lista di prioridad cu den e proximo lunanan lo bay haya e debido atencion pa nan por funciona miho.

 

- Advertisement -

DUNA COMENTARIO

Please enter your comment!
Please enter your name here