Home Gobierno Minister mr. Andin Bikker cu solucion pa “update” examen y entrega di...

Minister mr. Andin Bikker cu solucion pa “update” examen y entrega di rijbewijs

124
0
SHARE
- Advertisement -

ORANJESTAD (AAN) – Dialuna mainta Gobierno a tene su prome conferencia di prensa semanal, den cual Minister di Husticia y Migracion, mr. Andin Bikker, a hiba palabra.

Retraso pa otorgamento di rijbewijs y solucion:

Esaki ta su prome punto di agenda, tocante cual e dignatario a expresa cu ora el a asumi su cartera di husticia el a topa cu un retraso hopi grandi riba otorgamento di rijbewijs, pero mas tanto e henter e proceso di examen pa yega na e documento aki.

E dignatario a constata cu tin como 9 luna di atraso riba lista di spera. Esaki ta demasiado largo. E mandatario a duna di conoce cu di biaha el a reuni cu Mando Policial pa inventariza kico ta e problemanan.

Minister Bikker a subraya cu tin falta di personal y capacidad (espacio fisico) den e Departamento di Rijbewijs.

El a acentua cu e ta un persona cu mesora ta bin cu solucionnan y den esey, el a informa cu lo huur un edificio specificamente pa tin un departamento cu mas capacidad y acto sigui ta bay na automatizacion.

“A base di esaki nos ta anticipa cu e proceso di teoria nos ta bay cu cuminza pa reduci ‘e na no mas cu tres luna, pero una bez cu examen wordo automatiza lo no tin lista di spera mas”, e dignatario a declara.

Esaki ta un solucion concreto, e dignatario a subraya, pa por agiliza e lista di spera pero tambe dunando asina respuesta y un reaccion inmediato na e preocupacionnan cu tin for di pueblo, unda cu corectamente comunidad ta reclama cu ta inaceptable, cu tin lunanan di spera pa por pasa rijbewijs.

E mandatario a reitera cu awor ta bay reduci e lista di spera na un maximo di tres luna, y un bez cu lo digitalize e sistema e candidatonan lo pasa un examen digital y asina lo reduci e spera practicamente na cero.

 

- Advertisement -

DUNA COMENTARIO

Please enter your comment!
Please enter your name here