Home Gobierno Minister Otmar Oduber nada contento con algun periodista ta atacando

Minister Otmar Oduber nada contento con algun periodista ta atacando

46
0
SHARE
- Advertisement -

ORANJESTAD (AAN): Tin demasiado noticia incorecto saliendo ultimo tempo, hopi biaha esakinan ta bin na momento cu argumento caba cu por atende un Minister cu ne. Locual cu por worde haci pa evita e tipo di atakenan aki, ta bin cu “media wet”, no pa obstaculisa of cera oportunidad pa libertad di expresion cu mester tin. Sino, pa caba cu libertinage cu tin cerca cierto medionan di comunicacion.

Minister encarga cu Infrastructura y Medio Ambiente Otmar Oduber ta splica: “Ta conoci cu tin un grupo di persona cu intencion maligno cu no por yega na mi y ta purba dia ataca mi sin base. Ora cu nan no por logra esaki nan ta purba atacha personanan cerca di mi tambe.

Recientemente esaki a tuma luga cu mi driver cu ta un agente policial sr. Wernet cu actualmente ta ter beschikking di Ministerio. Den cuadro di integridad di mi Ministerio y di Gobierno di Aruba, mi a atende e caso cu e persona. Sinembargo, e persona a bay entrega keho oficial tambe a pa daña su number y atacha su nomber.

Sr. Wernet ta un agente policial cu nunca a haye envolvi den ningun problema den su carera como agente policial. E mesun medionan di comunicacion aki a indica tambe cu keho a worde entrega contra di sr. Wernet, sinembargo esaki tampoco ta e caso, y ta mentiranan di e medionan di comunicacion. Hecho di cu no tin keho entrega contra sr. Wernet ta importante pasobra integridad y credibilidad ta hopi importante pami. Ta bisto cu simplemente ta trata di un campaña pa purba di desprestigia ami, lamentablemente atacando personanan cu no ta politico.”

Mester bisa, un periodista, radio, television of corant cu ta presta su mes pa hende worde lastra y insulta, ta mustra hopi di ki tipo di balor y principio e medio di comunicacion ey ta opera cu ne. Tin periodistanan cu no ta pone importancia na loke ta trata integridad den comunidad.  Segun Ministro, e ora mester bin cu un “media wet” caminda e libertinahe cu tin cerca cierto prensa ta yega na un fin.

Consecuentemente pa por yega na re educa comunidad conforme norma y balor den medionan di comunicacion. Prensa ta un pilar di democracia y mester por hiba y transmiti informacion den forma obhetivo, pa comunidad por forma nan opinion dentro di e trias politica cu ta existi esta Parlamento, Gobierno y e aspecto Hudicial, Minister Oduber a indica.

 

 

- Advertisement -

DUNA COMENTARIO

Please enter your comment!
Please enter your name here