Home Enseñanza Ministro a splica cu Nora Eleonora tey solamente pa un temporada interino

Ministro a splica cu Nora Eleonora tey solamente pa un temporada interino

33
0
SHARE
- Advertisement -

ORANJESTAD(AAN): Parlamentario Rocco Tjon, lider di fraccion di MEP, a manda un carta pa minister. Pasobra ta bisa cu minister Lampe a bisa cu kier saca politica for di nombracionnan den maneho di DPS.

Pero na mesun momento nombra un candidato of ex candidato di RED. Riba esaki a bay sin un open vacature. Algun pregunta a bay den direccion di e minister. Riba esaki Minister Lampe a splica cu e lo contesta e preguntanan aki. El a ripara cu e preguntanan a bay prensa, e ora ey e por contesta sr. Tjon via prensa tambe.

Pa loke ta e prome asunto, no ta berdad cu tin un nombracion di un directora di DPS. Loke a tuma luga ta cu un docente di IPA, cu tin e experiencia di independisacion na otro luga y cu tin e cualificacionnan pa loke ta enseñansa, ta worde poni disponibel dentro di e mesun DPS, pasobra e ta cay caba bao di DPS como docente di IPA y simplemente el a worde poni disponibel pa un temporada interino unda pa prepara e proceso aki di independisacion y una bes cu e worde cera, ta su tarea tambe pa prepara e open solicitatie, e ora ey si, nombracion di un director of directora di DPS.

E director saliente di DPS ta e mes a indica minister despues di un paar di siman caba cu e tabata minister, cu e ta desea di acepta un reto nobo den su bida. Minister Lampe semper ta purba di respeta deseonan personal di e persona. A bisa cu lo wak e ora con ta yega pa respeta e deseo personal.

Awor aki, dia 5 di Maart, efectivamente e ta cuminsa cu su periodo di vakantie, prome cu e asumi su reto nobo. Awe, dia 5 di Maart, e direccion diario ta bay ta den man di drs. Nora Eleonora hunto cu e director interino di DPS. Ta haya un directora interino pa un periodo transitorio pa asina aki prepara e open solicitatie, pa despues bay pa e open solicitatie. Esey tabata e pregunta.

Loke e persona aki, esta Eleonora, inclusive, no tabata riba lista di RED Democratico nunca. A link’e cun’e si. Hasta ora cu tin cu reconoce cu e minister a acerk’e si pa subi lista di partido RED, pero e no tabata di acuerdo cu cierto principio y puntonan di programa di partido RED. Kiermen, apesar di e diferencia ey, e minister no ta mira diferencia politico di un hende.

No ta pasobra e no ta di acuerdo cu partido RED no mag di nombr’e. Ta traha diferente y ta mira e cualidad di e persona. E minister sa si e ta riba e mailinglist di partido RED Democratico como miembro. Pasobra segun e minister, na e ultimo reunionnan di miembro, e no a mira su persona.

Tin un lista largo di persona cu ta miembro di partido RED Democratico y na e ultimo reunionnan, e no a acudi. Kiermen no por bisa si e ta riba e lista di email di miembresia di partido RED Democratico.

E persona aki no tabata un politico, no tabata riba lista di partido RED Democratico y hasta e tabata diferencia di opinion cu partido RED Democratico. No obstante esey, ta bisa cu no tin cu wak e punto ey. Tin cu wak su profesionalismo pa por haci temporalmente e tarea aki di e transicion y prepara e open solicitatie.

 

- Advertisement -

DUNA COMENTARIO

Please enter your comment!
Please enter your name here