Home Economia Muchanan di Traimerdia ta participa durante 6 siman den tayer “Kidpreneur$ with...

Muchanan di Traimerdia ta participa durante 6 siman den tayer “Kidpreneur$ with BIG Ideas”

6
0
SHARE
- Advertisement -

Un proyecto di IDEA y Bureau Traimerdia

ORANJESTAD   (AAN):  Durante e ultimo tempo, IDEA (Desaroyo di Empresa Arubano cual ta cay bao di Directie Economishe Zaken) ta haciendo diferente workshop y nan a bin cu e propuesta pa ehecuta un proyecto special pa mucha.

E meta ta pa stimula e mucha for di un edad hopi jong pa nan siña con pa bira un negociante. Pa nan desaroya nan “skills” como entrepreneurs for di awo cu nan ta mucha ainda.

IDEA a yama e proyecto aki “Kidpreneur$ with BIG Ideas”.  Durante di esaki, nan lo haya diferente tema manera con pa traha snacks, bebidanan saludable, con pa traha cu placa, pinta ariba canvas, decoracion di boter, entre otro.

Nan lo siña con pa usa nan ideanan pa traha algo pa futuro. “Loke nan siña durante e proyecto aki, e idea ta pa nan bay practik’e y bend’e tambe”, Judella Trim, Policy and Business Advisor na IDEA a duna di conoce den entrevista cu DIARIO.

IDEA a uni cu Bureau Traimerdia ya cu e posibilidad ta hopi mas flexible pa nan drenta y ofrece e tayernan aki na e hobennan. Scolnan basico, den e caso aki, ta hopi stricto cu nan programa, e representante di e departamento aki a agrega.

Ta di e forma aki cu IDEA a acerca e director di Bureau Traimerdia pa haci e proyecto aki posible y nan a bay di acuerdo.

Nuebe Traimerdia tin na Aruba y tur e muchanan cu ta asisti lo haya e tayer. E prome grupo a cuminza Diamars 28 di Februari. Esaki ta e muchanan di Traimerdia Dakota. Nan lo haya 13 sesion den 6 siman. E proyecto completo, cu e 9 Traimerdianan tin un duracion 2 aña, Sra. Trim a indica.

El a agrega cu na final, tur loke e muchanan a traha, nan lo haya oportunidad pa bende durante un feria y e placa lo bay pa nan mes.

“Kidpreneur$ with BIG Ideas” ta dirigi na 312 mucha cu ta bishitando Traimerdia den klas 5de cu 6de.

- Advertisement -

DUNA COMENTARIO

Please enter your comment!
Please enter your name here