Home General No tur mucha cu a nace na Aruba ta haya nacionalidad Hulandes...

No tur mucha cu a nace na Aruba ta haya nacionalidad Hulandes automaticamente

193
0
SHARE
- Advertisement -

ORANJESTAD (AAN): Recientemente DIARIO a worde poni na altura, cu algun studiante na Aruba diripiente no por a bay school mas.  Esey debi cu nan a cumpli 18 aña y aparentemente e Zorgpas di AZV cu nan tabatin semper como menor di edad a bira invalido.

Pero e no tabata algo di djis bay y renoba e Zorgpas!  A resulta cu e alumnonan ta naci na Aruba, pero no a haya nacionalidad Hulandes.  Y e proceso pa fix nan papelnan ta basta complica.

No tur mucha cu nace na Aruba, automaticamente ta haya nacionalidad Hulandes, pa cual Señora Sharin Luydens, directora di Censo ta elabora mas ariba e punto aki.

Nacionalidad Hulandes ta ‘suis sanguines’, dus e persona a nace di mama of tata Hulandes y e adkiri van rechtswege e nacionalidad Hulandes.

No ta pasobra e persona a nace na Aruba, e ta haya nacionalidad Hulandes automaticamente.  Nacionalidad por worde adkiri via naturalisacion pa diferente motibo. (*) Door di un test di naturalisacion, of (*) e persona no tabata tin ningun estado pa tres aña, e por haya un nacionalidad Hulandes.

No ta pasobra cu un mama a haya yiu na Aruba, e yiu ta haya nacionalidad Hulandes. E yiu ta haya e nacionalidad di su mama.

Un hende muhe Hulandes cu haya yiu, e mucha ta haya di biaha nacionalidad Hulandes. Si un di mayornan tin nacionalidad Hulandes, e mucha ta haya un nacionalidad Hulandes. Si ta yiu di un matrimonio, di cual un di e mayornan ta Hulandes, tambe e mucha ta haya su nacionalidad Hulandes.

Pero un mucha cu ta nace di un pareha cu no ta Hulandes, por worde inscribi den e Burgerlijke Stand, e por haya su geboorteakte, pero e no ta worde inscribi den e database di populacion, tanten cu e no tin su permiso.

- Advertisement -

DUNA COMENTARIO

Please enter your comment!
Please enter your name here