Home Deporte Nos campeon MMA Gregory Milliard a biaha pa Sao Paolo, Brasil

Nos campeon MMA Gregory Milliard a biaha pa Sao Paolo, Brasil

23
0
SHARE
- Advertisement -

Cu contrato cu Roshal pa tres pelea:

ORANJESTAD (AAN) — Aruba su campeon di MMA, Sr. Gregory Milliard a biaha pa Suramerica, specificamente Sao Paolo, Brazil.

Den entrevista cu sr. Gregory Milliard e ta amplia mas tocante esaki.

Sr. Milliard a confirma cu el a caba di cera un contract cu e compania Roshal pa 3 pelea. E prome pelea lo tuma luga dia 9 Maart proximo. Ya Diasabra 3 Maart el a sali pa Brazil pa e cuminza aclamatiza y prepara pa e competencia.

Dos topatleta di Brazil y Suriname ta yudando Milliard na Aruba, conhuntamente cu mas persona. Un di esnan cu a yuda Milliard tabata Papi Wiersma ken a pushe pa baha peso. El a wordo avisa un tiki laat ya cu e tabata tin solamente 1 luna pa prepara. E mester a baha un 10 kg, pa asina por drenta e competencia aki.

Gregory Milliard su prome contrincante lo ta Alessandro Hoofman cu ta 12 biaha campeon di Rio Hero di Younger Fight College, cu ta un persona cu tin hopi experiencia unda cu lo por clasifica e pelea cu ta bay tin riba un high class na nivel profesional y tin cu menciona tambe cu e compania cu ta respalda e peleanan lo ta e dosnan mas grandi na mundo.

Den modalidad di MMA unda Gregory Milliard lo tin e oportunidad di participa e biaha aki lo ta envolvi companianan grandi despues di UfC , Bellator y ACB di Rusia, unda cu esakinan lo bin representa pa e join e fighter di nomber Thiago Silva, cu tin varios combate di UF cumpra. Esaki ta un privilegio pa nos representante di Aruba, Gregory Milliard, ta hopi privilegia pa drenta den evento aki asina e la expresa cu orguyo.

Pa loke ta trata e set up den e Caribe, nos MMA Fighter Millard lo ta e di prome den region, unda cu nan lo tabata tin un monitoreo di hopi tempo pasa riba nos campeon.

Esaki lo ta un gran oportunidad pa Gregory Milliard unda cu si e resulta exitoso tin hopi chance pa drenta den e Big League, unda cu e mester demostra riba e ring cu e ta capaz pa bataya cu peleadornan grandi manera esun cu lo bay presenta awor riba dia 9 di Maart den combate.

Pa 14 aña largo, nos MMA fighter Gregory Milliard a keda traha y core den tereno di MMA te awe unda lo tur su colaboradornan y e mes lo ta cla pa yega na un nivel di campeon. Tele Aruba a keda cla cu contract cu ACB di Rusia pa tin e sintonia unda cu tentativamente lo bay tin un live broadcasting na Brasil. Dia 7 di Maart e periodista den deporte Manuel Da Silva lo bay biaha bay cerca Gregory Milliard.

Por sigui e peleanan aki via websitenan disponible manera di ACB Berkut Championship on line, y tambe like riba e facebook di nos deportista profesional Fighter Gregory Milliard gregorymilliardmma unda cu tambe lo bay tin tur e informacion unda cu por follow su personal training pa e evento aki pero tambe di tur e actividadnan den su academia di combate pa tur e hobennan cu lo kier drenta na MMA na Aruba.

Finalmente riba e punto aki Gregory Milliard a bisa cu lo bay probecha e oportunidad tambe, pa busca di habri portanan pa e otro atletanan cu lo ta den desaroyo trahando awor aki anto e ora Aruba y otro pais den Caribe lo por haya chance tambe den e deporte aki, y lo laga e invitacion habri, pa dia 9 di Maart awor apoya e pelea grandi aki cu ta bay celebra cu ta e di prome di 3 pelea cu Gregory Millard a firma. El a gradici tur su sponsornan cu a haci e biahe aki posible.

 

 

 

- Advertisement -

DUNA COMENTARIO

Please enter your comment!
Please enter your name here