Home Cultura OPPA cu actividad di Dia 18 di maart

OPPA cu actividad di Dia 18 di maart

18
0
SHARE
- Advertisement -

Tur miembro ta invita pa participa

ORANJESTAD (AAN)—; OPPA ta informa su miembronan cu ainda tin oportunidad pa participa na e actividad di celebracion di nos Dia Nacional, riba diadomingo 18 di maart venidero. E actividad aki ta consisti di dos parti.

E prome parti ta e participacion di nos miembronan na e desfile di Dia 18 di maart. Y di dos parti ta un keiromento den bus despues, pa bishita diferente luga cu tin nan actividad riba e dia.

E miembro tin opcion pa participa den e desfile so of por scoge pa e keiromento den bus so, cu lo sali pa 1or di atardi for di e luga di para auto dilanti di Talk of the Town.

Tambe e miembro tin opcion pa participa na tur dos. Pa e desfile so, no tin ningun costo envolvi. Si ta pidi e participantenan na e desfile pa bin bisti cu e polo-shirt blanco di OPPA of un otro polo-shirt blanco, carson of jeans preto y un sapato preto comodo na pia. OPPA lo percura pa e participantenan aki haya un pechi di OPPA gratis prome cu e desfile.

Pa e miembronan cu ta scoge pa bay solamente e keiromento den bus, ta pidi un contribucion di Awg.10,– pa miembro y tambe su introduci. Corda cu tin solamente 50 luga den e bus.

Si e miembronan aki ta desea di haya un pechi di OPPA tambe, por cumpra esaki na un balor di Awg.15,–. Por inscribi pa e actividad aki te cu dia 16 di maart na OPPA, durante oranan di oficina.

Ban celebra conhuntamente nos Dia Nacional.

 

- Advertisement -

DUNA COMENTARIO

Please enter your comment!
Please enter your name here