ORANJESTAD (AAN): Relaciona cu e caso conoci como “DRUM” cual a shock comunidad di Boneiro na unda un polis na caminda pa atende asistencia a ricibi tiro fatal.
Awor e caso ta bay wordo trata den corte superior y tratamento di e caso lo wordo teni den Compleho Deportivo Boneiro situa den Kaya Amsterdam sin number di 14 te cu 16 di Maart 2018.
Den e caso superior aki lo presenta 6 di 7 sospechosonan dilanti e huesnan. Drum ta e caso castigabel na unda e sospechosonan mester presenta pa un atraco arma den 2016 riba un cas cu consecuencia cu un agente policial a perde su biba.
Corte superior igual cu corte di prome instancia a desvia pa un otro localidad. Debi cu e sali corte den Fort Oranje no tin suficiente espacio pa atende un caso di tal magnitud.
A tene cuenta pa e sospechosonan, abogadonan, presencia di famianan., medionan di comunicacion y si tin suficiente espacio cierto cantidad di publico por wordo permiti pa atende e caso.
