Home Enseñanza Papiamento ta un di e temanan di discusion durante “Diversity Café” na...

Papiamento ta un di e temanan di discusion durante “Diversity Café” na U.A

34
0
SHARE
- Advertisement -

ORANJESTAD (AAN) – Invita pa e docente sra. Yolanda Richardson, Matutino DIARIO pa di dos aña consecutivo, di e tres añanan cu ya caba e actividad aki ta wordo realiza, tabata presente como guest den e actividad “Diversity Café”, cu a tuma lugar Dialuna atardi den e Auditorio di Universidad di Aruba.

Sra. Richardson hunto cu su colega Ronald Serrant ta facilita e curso di Diversity den e Facultad di Arte y Ciencia (Arts and Science).

E conversatorio interesante aki ta un intercambio entre studiantenan y miembronan di nos comunidad, segun e principionan di e “World Café Dialogue”. Nan ta sinta den grupo di guest y studiantenan.

E tema trata den e mesa den cual nos matutino a participa a trata e tema di Lenguahe, enfocando riba nos Idioma Papiamento. E meta principal di e conversacion aki ta pa e studiantenan bira mas conciente riba e hecho cu nos ta un comunidad diverso. Tabata hopi interesante e manera con e tema di nos Idioma Papiamento a wordo aborda.

Na final di e conversacion for di cada mesa un studiante y un guest a lanta para y comparti cu e demas participantenan con e experiencia den nan mesa tabata. Y riba papel cada un tambe haci su propio evaluacion di e “Diversity Café”. Berdaderamente, un rato sumamente agradable.

Riba combinacion di potret por observa algun imagen di e interesante actividad aki. Matutino DIARIO ta gradici Universidad di Aruba y sra. Richardson pa e bunita oportunidad aki di cual semper tin hopi pa siña y comparti.

 

- Advertisement -

DUNA COMENTARIO

Please enter your comment!
Please enter your name here