Home Parlamento Parlamentario Edgar Vrolijk ta haya cu Marlon Sneek y Mervin Wyatt-Ras ta...

Parlamentario Edgar Vrolijk ta haya cu Marlon Sneek y Mervin Wyatt-Ras ta ‘mal bruha’

96
0
SHARE
????????????????????????????????????
- Advertisement -

ORANJESTAD (AAN): Durante conferencia di prensa, Parlamentario Sr. Edgar Vrolijk, a remarca cu como politico mester scucha kico bo contrincantenan politico ta bisa den nan conferencianan di prensa. E biaha aki e ta señala parlamentario Marlon Sneek y Mervin Wyatt-Ras di AVP.

E parlamentario a bisa cu den ultimo simannan, varios palabra pega riba caya, manera ‘Machica’ y ‘Zelos’ pero e bisa aki ta trata di ‘Hendenan Mal Bruha’.

Di con e ta bisa esaki? Pasobra ora e ta scucha parlamentarionan cu hopi experiencia ta grita cu ainda no tin un begroting, nan ta lubida cu dia 1 di September 2017, nan mester a percura pa e begroting ey ta aden, na unda nan tabata ta pa puntra pa e begroting.

Otro palabra cu mester wordo uza ta ‘cobardia’, pasobra na momento cu nan a percura pa e begroting aki no tabata traha na 2017, ta pasobra boso tabata sa kico ta bin den dje. Boso no por a cumpli cu normanan di Caft y hamas boso lo por cumpli a pidi den dje. Ora gobieno a asumi na November, nan a topa cu e desastre financiero cu e deficit di 137 miyon.

Parlamentarionan di AVP ta grita kico gobierno ta haci cu Citgo, Sr. Vrolijk a puntra Sra Wyatt-Ras kico el a haci cu cifranan di Citgo durante 2017, na unda bo a permiti pa pone 50 miyon, pa loke ta entrada di belasting for di esaki; 73 miyon for di e deal, cu na final di dia ningun a drenta y pueblo mester a paga p’e.

E pregunta di parlamentario Vrolijk ta na unda boso voz tabata riba e asuntonan aki. Ta tipo di politiconan ‘mal bruha’ ta haci cu pueblo ta perde confianza riba politiconan, pasobra nan no ta hiba un maneho transparente y como parlamentario nan no ta hiba un control of haci nan trabao manera debe ser.

Ora cu ta scucha Sr. Sneek ta bisa aumento di BBO 5%;  BAZV 4%; aumento di invoerrechten; 5% di grondbelasting; medida riba tips, Sr. Vroijk ta enfatiza cu nan mes no sa kico ta bin ainda, pero ta nan a traha riba plan di FEM, ta nan a entreg’e na Caft. Ora cu bo ta punta dede, abo como gobernante, como ex parlamentario mester bisa tambe kico bo a haci desde 2009 cu mi a sinta te awo.

Si Sr. Sneek ta papia di medida, specialmente riba BAZV, parlamentarionan di AVP ta ‘mama cu tata’ di BAZV. Ta nan a implementa esaki riba pueblo, corda cu gobierno ta bin cu medida y parlamento ta aprob’e. Den e caso aki, parlamento a bin cu e medida aki y ta nan mes a aprob’e pa pueblo.

- Advertisement -

DUNA COMENTARIO

Please enter your comment!
Please enter your name here