Home Parlamento Parlamentario Michael Lampe ta insisti cu proyectonan di PPP a bira inversionnan...

Parlamentario Michael Lampe ta insisti cu proyectonan di PPP a bira inversionnan necesario di pueblo y pa pueblo

84
0
SHARE
- Advertisement -

ORANJESTAD(AAN): Den prome 100 dianan di gobernacion di e actual gobierno di coalicion, no por a mira nada concreto cu a tuma luga, ningun decision a worde tuma pa sirbi interes general di nos hendenan y solamente un intento practicamente diario, pa trata di cubri tur proyecto di pueblo, c’un nubia di negativismo.

Parlamentario pa fraccion di AVP, sr Michael Lampe ta mustra cu contrario na loke a sosode den e prome 100 dianan di Gabinete Mike Eman I, pueblo di Aruba a conoce un situacion totalmente diferente ya cu realmente gobierno ainda no tin nocion di kico pa haci ni con pa atende cu tur e promesanan cu a worde haci durante di campaña electoral.

“Sin duda ta impresionante pa tuma nota con ministernan di e coalicion y parlamentarionan cu ta sostene e gobierno aki, ta trata di convence Aruba cu nada bon a worde haci, papiando di desaster, papiando di mega debe, un cantidad di asuntonan cu ta dificil pa pueblo mes no mira e resultado positivo di un maneho responsabel hiba pa gobierno di AVP.

Proyectonan di PPP ta worde ataca den un forma sin precedente den historia politico di nos pais, caminda lidernan politico, representantenan di pueblo ta insisti pa hustifica e falta di conocemento kico pa haci pa sigui desaroya e pais, percura pa bienestar di tur hende riba e isla aki.

E proyecto di Green Corridor ta ser cuestiona na tur momento, ta busca delaster un detaye negativo pa mas chikito cu esaki por ta, pa trata di papia malo di e desaroyo impresionante cu Aruba a conoce riba practicamente tur tereno.

Un proyecto cu a cambia e rutina diario di tur hende cu ta haci uzo di vierbaansweg aki tur dia, pa bay trabao y regresa nan cas, sin mester di keda pega den filanan largo tur mainta y tur atardi.

No solamente e caretera pero tur loke ta pega na esaki, entre otro e pista pa ciclistanan, e posibilidad pa por cana y haci ehercicio caminda por mira tur mainta y principalmente atardi, con nos hendenan ta Sali cana y haci algo pa bienestar di nan salud.

Un proyecto miyonario, un proyecto cu pueblo lo bay paga pa esaki, pues un proyecto cu placa di pueblo y pa pueblo, contrario na loke a sosode den ocho aña di gobernacion di partido MEP, caminda pueblo no a ricibi nada di mas cu 23 miyon cu a bay pa huurmento di edificionan di famia y amigonan.

Awor ta trata di cuestiona e proyecto di ampliacion y modernisacion di hospital, cu tabata otro necesidad grandi pa cuido medico di nos hendenan y aki tambe ta placa di pueblo y pa pueblo.

E importancia di edificionan di MFA, cu a hiba servicionan di gobierno mas cerca di pueblo den nan bario, cu ta brinda facilidadnan pa diferente alternativa pa tur cu ta haci uzo di esakinan.

Tin di e proyectonan aki cu ta bou di preparacion pa casi 30 aña caba pero cu a worde ehecuta pa Gabinete Mike Eman I y II y caminda a inverti miyones di placa di pueblo den proyectonan na bienestar di pueblo.

Miyones a worde inverti den drechamento y construccion di schoolnan rond Aruba, den desaroyo di San Nicolas, den drechamento di barionan pa asina hisa e nivel di bida di nos hendenan den nan bario.

E cambio ta grandi, e inversion ta grandi pero aki ta keda demostra un biaha mas cu tin un diferencia grandi den e mentalidad politico di un gobierno di AVP, cu ta pone interes di pueblo dilanti, compara cu esun di gobierno di MEP caminda e interes di famia-, amigo- y sponsornan, ta bin na prome luga sin cu pueblo ta mira fruta di esaki.

E prome 100 dianan di gobierno di coalicion MEPPORRED, a resalta principalmente pa un persecucion politico hamas bisto, caminda casi 400 persona a worde manda cas pa motibo cu nan a haci uzo di nan derecho sagrado pa vota pa e partido cu nan tin derecho di sostene libremente,” Parlamentario Michael Lampe a declara.

 

- Advertisement -

DUNA COMENTARIO

Please enter your comment!
Please enter your name here