Home Parlamento Parlamentario Richard Arends ta mira con lo duna pensionado 100 Florin extra...

Parlamentario Richard Arends ta mira con lo duna pensionado 100 Florin extra pero medida lo ranca 192 Florin bek

249
0
SHARE
- Advertisement -

ORANJESTAD (AAN): Si mira bon den e caso aki, e compensacion pa e pensionadonan, ta casi nulo.

Un gobierno cu durante di campaña electoral a boga pa transparencia ta pone e aumento di entrada di un pensionado cu ta gana 2500 Florin door di reduccion di prima di AZV pa pensionadonan. Ya cu nan tin cu paga 100 Florin menos na prima di AZV, nan entrada ta subi cu 100 Florin.

Lo tabata hopi mas transparente si gobierno a pone tambe cuanto e pensionado ta bay atras cu introduccion di BBO awo caminda nos a haci e calculo cu ta mustra cu na momento un pensionado cu un entrada di 2500 Florin ta bay un rato dilanti cu 100 Florin, pero na mes momento e ta bay atras cu 192 Florin door di aumento di BBO y BAZV den e caso di un producto cu ta pasa den tres ‘schakel’.

Esey nos ta wak tambe cu pensionadonan cu tin un solo entrada, un solo uitkering di AOV cu ta alrededor di 1110 Florin, nan ta bay dilanti cu 44 Florin door di reduccion di prima di AZV, pero nan ta bay atras cu 83 Florin na momento cu nan bay haci nan compra y e productonan cu nan ta bay cumpra, ta pasa den tres schakel y nan ta bin haya e efecto acumulativo di e BBO.

E efecto inflatorio aki ta inevitabel, prijsnan ta bay aumenta automaticamente. Nos a mira esey tambe na 2007, unda cu no tin un control di prijs mas amplio cu canasta basico y poder di compra ta bay atras.

Algo cu gobierno no a reacciona ainda riba dje, ta e hecho cu e medidanan aki ta afecta directamente e comerciente chikito. E ta afecta directamente e detayista, pa motibo cu e consumidor ta bay busca pa evita di cumpra su productonan cu menos schakel posibel, of pa bay cumpra mas den exterior, of e ta un estimulo pa bay cumpra directamente cerca e importador.

E decision di bin cu entradanan adicional di e manera aki ta di lamenta, no solamente pa e consumidor, pero tambe pa e comerciante chikito y economia en general como cu e ta aumenta e gastonan di haci negoshi na Aruba” Parlamentario Richard Arends a splica.

 

- Advertisement -

DUNA COMENTARIO

Please enter your comment!
Please enter your name here