Home Parlamento Parlamentario Vrolijk mustradno cu e independizacion di DPS no ta ‘un done...

Parlamentario Vrolijk mustradno cu e independizacion di DPS no ta ‘un done deal’ ainda

40
0
SHARE
- Advertisement -

ORANJESTAD(AAN): Edgard Vrolijk di MEP ta keda critico cu su pensamento riba e cambio cu minister di enseñanza kier introduci sin garantiza suficiente. Esey ta locual cu kier brinda pafo, e confianza cu no ta pasobra minister Lampe lanta mañan, e por a soña cu algo y lo bay grita “ja” pa loke el a soña.

Treciendo back pa loke ta e punto di gobernacion, tin frasenan habri y hopi hende por uzanan na nan manera pa interpret’e y bin cu nan plan. Plan di gobernacion ta un richtlijn e ta. Con bo ta bay ehecut’e, cada minister ta sigui’e. Vrolijk tambe a lesa e plan di gobernacion y e tema di educacion. E ta wak’e na un otro manera. Tin un otro manera pa mehora educacion. E minister tin su manera, Vrolijk ta wak’e na un otro manera. Na final no ta su manera, ni di Vrolijk ta conta, pero locual cu pueblo ta dicidi y locual cu ta miho p’e.

Den plan, Vrolijk ta reitera, e ta sosten’e e gobierno, pero den e matrimonio di tres, Edgard Vrolijk no tabata. Su trabao ta for di matrimonio y controla e matrimonio ey pa cos bay bon.

Vrolijk a topa cu tres school y tur tres school, ningun docente, ni werkster no ta di acuerdo cu e situacion. Ya e tin 100% cu el a topa den tres school cu nan no ta di acuerdo. A bisa nan pa laga e mesun minister bin contesta e preguntanan y na final di dia, despues di esey, cu no ta di acuerdo cun’e, pon’e preto riba blanco. Duna Vrolijk, e ora tin un houvast e ora. Si ta para cu no kier e cambio, kier mira esaki preto riba blanco, cu no kier e cambio. Pa Vrolijk ta importante cu ora e ta para dilanti, e tin sosten di nan tambe pa bisa cu berdad, e ta papia den nan nomber y no di su mesun nomber.

Mescos cu el a bisa minister busca un draagvlak, Vrolijk tambe a bisa e hendenan pa scucha e minister, traha nan propio opinion.

Vrolijk su opinion no mester ta un influencia, ni di oposicion. E docente mes crea su propio opinion. Y na momento cu bisa cu e no ta di acuerdo, pone preto riba blanco, firm’e pone bo nomber y asina ey, por para pabo fuertemente. Esey ta loke a palabra cu e docentenan cu el a bishita.

Ta un caminda mas nechi tambe, sin falta respet na e minister, ni ningun hende. Vrolijk ta asumi su rol, manera debe ser, como representante tambe di nan. E no ta sindicato, pero e ta parlamentario, kiermen e ta representa pueblo.

Manera DIARIO a presenta caba den un relato riba Diabierna, den pasado ta numeroso Departamento a independiza of privatiza, y ningun nunca tabatin un draagvlak.  Gobierno ta privatiza sin worry cu draagvlak.

 

- Advertisement -

DUNA COMENTARIO

Please enter your comment!
Please enter your name here