Home Social Parokia di Paradera ta recorda Pastor Tony R. Peralta (q.e.p.d)

Parokia di Paradera ta recorda Pastor Tony R. Peralta (q.e.p.d)

26
0
SHARE
- Advertisement -

ORANJESTAD (AAN): Dialuna 5 di Maart a recorda cu un aña pasa rev. Pastor Tony Peralta a fayece na su pais natal Filipinas. Pastor Tony a traha 20 aña na Aruba. El a cuminsa traha na misa Sta. Filomena na Paradera na aña 1988 y a keda te cu 2002. Na juli 2002 Pastor Tony a bai traha na Misa Sta. Teresita na San Nicolas. Y na aña 2008 a sali cu pension y a bay su pais natal Filipinas.

Pastor Tony tabata un persona hopi keri tanto den parokia di Paradera como na parokia di San Nicolas. Durante e ceremonia cu a tene aña pasa tabatin e disponibilidad pa haci un donacion, cual suma tabata fl. 3036,75. Esaki a wordo manda Filipinas y famia di Pastor Tony tambe a contribui y asina a laga construi un mausoleo, cual a keda cla na November 2017.

Pueblo en general, especialmente pueblo di Paradera y pueblo di San Nicolas, comunidad Filipino ta wordo cordialmente invita pa un Santo Sacrificio di misa diasabra 10 di Maart pa 7’or di anochi na Misa Sta. Filomena na Paradera.

Ban recorda Pastor Tony R. Peralta den nos oracion y gradici Papa Dios cu El a manda pa nos un persona sublime y cu un carisma particular. Un persona cu a laga un mensahe pa un y tur: “Ban resa y traha hunto pa nos por scirbi cu pen di oro e futuro di nos parokia, mientras nos ta enfrenta e retonan di e milenio nobo”.

- Advertisement -

DUNA COMENTARIO

Please enter your comment!
Please enter your name here