Home General Partido VVD di Mark Rutte ganador eleccion municipal na Hulanda

Partido VVD di Mark Rutte ganador eleccion municipal na Hulanda

145
0
SHARE
- Advertisement -
  • Indicacion ta cu referendum lo termina cu “no” contra ley di inteligencia

ORANJESTAD(AAN)– Informacion cu a drenta ayera anochi durante conteo di votonan di Eleccion Municipal na Hulanda y e referendum consultativo, tabata indica cu e partido VVD- lidera pa Mark Rutte e actual prome ministro di Hulanda, lo por sali como partido mas grandi y esaki lo ta prome biahacu e partido aki den eleccionnan municipal ta termina como partido mas grandi di Hulanda. E foto ( cortesia di De Telegraaf) ta di lider di VVD Mark Rutte na momento di gradici su simpatidadornan ayera anochi.

Prome cu a cera e edicion aki tabata conoci cu VVD tabata tin un ventaha den voto y Rutte mes a expresa di ta masha orguyoso cu su partido lo por logra esaki. El a mustra riba e cifranan di ganacia na Den Haag y tro ciudadnan grandi y tabata spera di gana CDA den esakinan.

Na e momento ey Rutte a laga sa cu ainda e anochi ta hoben y VVD por ta orguyoso pasobra tur cos ta mustra den direccion fantastico y cu lo por spera un resultado final maraviyoso.

El a elogia e trabao di e miles di hende cu a colabora y traha cu e partido durante campaña den tur ciudad y pueblo y cu a percura pa “un sonido fuerte liberal”.

E perdedor tabata D66- di Alexander Pechtold. Te na final e no kier a entrega y a felicita GroenLinks cu a kita puestonan di D66 y a laga sa: “Nos tabata tin oro, pero den hopi municipio awor nos tin plata. Nos a entrega basta, sinembargo a keda cu un lugar riba podio”.

Na e momentonan ey, e referendum consultativo tabata mustra cu aparentmente e voto contra e ley nobo di informacion lo por gana cu margen hopi chikito.

E cifranan duna poco despues  di parti di servicio di e agencia di prensa ANP tambe a mustra den e mes direccion.

Den comunidadnan unda a wordo teni solamente e referendum, esnan cu a vota contra e ley tabata tin vehtaha: casi 57 % . Mas di 42 % a vota na fabor y na lugarnan un a tene eleccion municipal e porcentehanan tabata 48.3 % contra y 47.1 %  na fabor.  E porcentahenan aki a wordo basa riba 60 % di voto y e posibilidad cu esnan contra y na fabor lo por bolter e decision na final tabata hopi chikito.

Di e partidonan por menciona cu D66 den hopi ciudad grandi mester a entrega nan prome lugar na GroenLinks. Espectativa tabata cu e partido di Jesse klaver na Amsteram y Utrecht tambe lo termina como partido mas grandi. Na Rottterdam Leefbaar Rotterdam a aplasta.

- Advertisement -

DUNA COMENTARIO

Please enter your comment!
Please enter your name here