Home Policial Polis a “hands up” homber cu arma di candela.

Polis a “hands up” homber cu arma di candela.

64
0
SHARE
- Advertisement -

ORANJESTAD (AAN): — Central di polis a haya tip y via telefoon a notifica patruya cu e momento ey tabata patruyando den su rayon diasabra marduga  pa nan bay na un bar situa den Paradera.

Den cercania lo tin un homber cu lo ta cana rond cu un arma di candela den saco patras di su carson.

E homber, segun e descripcion suministra, ta color cla cu barba, bisti cu t-shirt color preto y cu carson cortico color di kaki.

Patruya di polis cu cuatela a blo y nan a wak un homber cual su e discripcion ta cuadra y cu tabata para na pabao di e localidad encuestion. Cu yudanza di patrutya Santa Cruz e homber a wordo acerca pa polisnan. Durante cu polisnan tabata acerca homber, na mesun momento e agentenan a ripara cu e homber tabatin un obheto sospechoso den su saco patras di su carson.

Polisnan a duna e homber orden mesora pa e hisa su mannan na laira y e homber a sigui e ordo mesora y inmediato polisnan a desarm’e pa medio a saca e arma for di su saco carson.

Ademas e homber di inicial F. a wordo aresta di biaha como sospechoso di a viola ley di arma.

 

 

- Advertisement -

DUNA COMENTARIO

Please enter your comment!
Please enter your name here