Home Policial Polis y brandweer a rescata “Burico” cu a cay den poz

Polis y brandweer a rescata “Burico” cu a cay den poz

178
0
SHARE
- Advertisement -

ORANJESTAD (AAN): Ayera mainta alarma a wordo bati debi cu a drenta informe cu un burico a cay den un buraco  cual lo wordo construi como poz na un cas bao construccion na Seroe Colorado.

Mesora ora cu e informe lo a yega cerca polis nan lo a yama  “Donkey  Sanctuary Aruba”.

Segun informe tanto Polis y Brandweer a mobilza mesora y nan a bay e adres encuestion.

No tabata facil, pero e team di rescate, a  logra rescata e burico y a evita e animal di sofoca durante e rescate. Cu un kraan  e burico a wordo hisa y saca.

Ora cu a logra rescata e burico el a ricibi e nomber “Keto” debi ora cu el a yega “Sanctuario” e tabata keto y pesey a dun’e e nomber.

Segun e informe suministra e burico a wordo examina pa Dr. Ricardo Contreras. “Keto” lo  keda pa observacion y despues pa proximo siman e lo bolbe Seroe Colorado. Ta di spera tambe cu e compania di construccion lo por a termina pa asina cera e poz pa evita mas burico of cabrito cay den esaki. Donkey Sanctuary Aruba ta gradicido pa respons rapido di Polis y Brandweer.

- Advertisement -

DUNA COMENTARIO

Please enter your comment!
Please enter your name here