Home Hudicial Popeye di Grupo 7 condena door di Corte

Popeye di Grupo 7 condena door di Corte

356
0
SHARE
- Advertisement -

ORANJESTAD  (AAN): — Mainta e miembro di Grupo 7 Francis Dijkhoff, conoci como Popeye, no a ni presenta den Corte pa tratamento di e caso penal cu Ministerio Publico a cuminsa contra dje.

Despues cu na inicio di 2017 e tabata envolvi caba den un caso di violencia, ta parce cu el a perde cabes y a haci actonan di “opruiing” unda cu el a pidi pueblo, via di Facebook cu “Mester mata Mike and Mike dilanti Parlamento, kima nan bibo pa henter pueblo wak”.

Expresionnan hopi pisa, haci den luna di mei, y a sigui na augustus cu atakenan riba Gobernador y a yama un fiscal di Ministerio Publico pa prostituta (publicamente) y finalmente a dicidi di arest’e ora cu riba 2 di september, el a maltrata y menasa su casa y ora cu e yiu muhe a bay defende su mama, el a bis’e palabranan di indole di “bo kier mi kibra bo cara cu hero di strika y kibra bo nanishi  un biaha mas?”

Ta parce cu e situacion na cas ta insoportabel pasobra apesar cu nan a divorcia, e acusado no kier bandona e cas. “E no ta ni traha,” e ex casa a bisa Hues. E no kier a haci un demanda di daño y perhuicio pero e kier ayudo pa saca Popeye di cas y cu e por biba den trankilidad.

E homber macho aki no a presenta pa tratamento di su caso. Pero pa Ministerio Publico esey no ta problema. Tur e acusacionnan ta proba, menos esun contra Gobernador cu no tin e cualificacionnan di “opruiing”. Tambe ta proba e insulto di un funcionario publico.

E tabatin un Abogado, kende a kere cu su cliente lo a presenta pero esey no tabata e caso.

Mirando cu no ta prome biaha cu e ta haya su mes den caso di violencia y cu tur cos a bini pareu, Fiscal a pidi un castigo di 30 dia di cual 17 dia ta condicional y 3 aña di prueba.

Cu un periodo di prueba asina largo ta pa trata di evita mas tanto posibel e cay den ripiticion. Hues a dicidi di bay di acuerdo y no tabatin mucho di bisa pasobra e acusado mes no a mustra respet pa presenta pa su caso.

 

- Advertisement -

DUNA COMENTARIO

Please enter your comment!
Please enter your name here