Home Gobierno Premier a inaugura Encuentro Special den siman di Speciabilities

Premier a inaugura Encuentro Special den siman di Speciabilities

64
0
SHARE
- Advertisement -

ORANJESTAD (AAN): Gobierno di Aruba siman pasa a declara henter e siman como “Siman di Speciabilities”. Refiendo na e abilidadnan special di e personanan special na Aruba.

E siman a cuminsa cu un caminata pa Bestuuskantoor na unda cu Minister President Evelyn Wever-Croes a ricibi for di man di mayornan di muchanan special un reconocimento pa e sosten Gobierno ta duna na e causa y e lucha di nos hendenan special na Aruba. Despues di e presentacin aki, e grupo a bay back Plaza Libertador Betico Croes.

Durante henter siman tabata tin actividadnan pa celebra e Siman di Speciabilities. Diasabra tabata tin un oportunidad pa tur mayornan di muchanan special hiba nan yiunan na Ritz Carlton pa un encuentro na unda mayornan y muchanan special a haya consulta y terapia gratis cu ta necesario pa muchanan di cierto abilidad.

E dia aki, Prome Minister a habri e evento cu cortamento di sinta hunto cu algun mucha special. Despues e terapistanan cu a bin for di Merca a evalua y duna consulta na muchanan special y nan mayornan.

E oportunidad aki a worde brinda pa e fundacion “Amazing Realities” di Merca hunto cu Fundacion di Aruba “Sea Bunita Sea bo mes” cu a trece e terapistanan aki pa duna e servicio aki totalmente gratis pa tur mayor y tur mucha special.

Na final di e encuertro, Prome Minister a enfatisa e compromiso di Gobierno di Aruba pa traha riba e Ley di Inclusion cu ta e ley cu ta duna nos muchanan special mas oportunidad pasobra nan tambe ta conta. Ley di Inclusion ta encera enseñansa, school pa nos muchanan special.

Especialmente pa despues nan caba 16 aña y caba school Dun’un Man nan por sigui un school di ofishi. Tambe e Ley ta inclui vivienda y ‘opvang’ di mucha y adultonan special. E ley ta inclui tambe cuido di nos hendenan special.

Hopi di nan mester terapia y atencion special cu nan no por haya na Aruba. Un otro aspecto di Ley di Inclusion ta riba e tereno laboral. Hopi di nos hendenan special por haci varios trabao pero nan no ta haya e oportunidad.

“Esaki ta e compromiso di Gobierno di Aruba. Nos hendenan special ta conta y merece di worde inclui pa haya miho oportunidadnan den bida”.

 

- Advertisement -

DUNA COMENTARIO

Please enter your comment!
Please enter your name here