Home Cultura Preparando pa curso ‘Close reading di literatura di Aruba’

Preparando pa curso ‘Close reading di literatura di Aruba’

18
0
SHARE
- Advertisement -

ORANJESTAD (AAN): Diamars dia 2 di mei 2018 ta cuminsa cu e curso ‘Close reading di literatura di Aruba’ na biblioteca. Docente ta dr. Henry Habibe.

Den e curso di dr. Henry Habibe ‘Close reading di literatura di Aruba’ e literatura lo worde acerca di un forma stilistico. Textonan ta worde studia como obheto linguistico. Ta pone atencion na estilo y escohencia di palabra den texto.

Asina tambe lo focus riba e calidad literario di e textonan. E curso aki ta pa tur esnan cu un interes den literatura di Aruba y docente. E curso aki ta tuma lugar na biblioteca na Playa. E buki ‘Aruba in literair perspectief’ ta sirbi como guia.

E curso tin duracion di 5 siman, 15 encuentro di dos ora academico. (2or y mey pa 4or di atardi). Cursistanan mester tuma na cuenta cu preparacion y lesamento di texto por tuma como 20 ora. Ultimo encuentro ta dia 1 di juni 2018. Registracion por via info@bibliotecanacional.aw tambe por pidi mas informacion via e mesun emailadres.

 

- Advertisement -

DUNA COMENTARIO

Please enter your comment!
Please enter your name here