Home Social Problema social na Aruba pa hopi hende ta start den Casino

Problema social na Aruba pa hopi hende ta start den Casino

45
0
SHARE
- Advertisement -

ORANJESTAD (AAN): Recien por a tende e.o. Ministro Glenbert Croes, elabora cu e problema social na Aruba ta basta grandi!  Y hopi hende ta di acuerdo cu esaki.  Ademas cu tur producto cu drenta Aruba via waf ta sky-high den prijs, hopi hende ta bisa sin ningun berguenza, cu placa no ta yega.

Tog tin hopi hende cu tin wowo tapa pa e problema aki.

Sinembargo varios observador ta insisti, cu ultimo tempo e problema social ta cuminza na un solo lugar!  Den Casino na Aruba.

A ser splica na DIARIO, cu esaki ta increible pa kere, pero e ta berdad!  Bo ta keda asombra pa mira con hende hoben ta bin cu Carchi di Pensiun eyden!  Nan a caba di  cobra placa, mesora ta bin gamble, gaste y lage den Casino.

Loke ta pasando cu awor no tin control mas den mundo di Casino na Aruba.  Esey nifica cu aworaki, ki ora cu ta, cualkier hende por drenta un Casino sin control.

Es mas, Casino ta habri porta merdia cu of sin Controlador di Casino presente.

A ser splica na DIARIO, cu ultimo tempo esaki a bira mas y mas visible, y e bishitantenan di Casino no tin ni berguenza of ta purba na sconde esey.  Abiertamente nan ta mustra, cu ora un pensionado haya su pago, ta mucha jong ta bin eyden cu carchi.

Un observador a hasta calcula, cu como 90% di e localnan cu ta bishita Casino, ta hende cu ta biba di Pensiun of ta cobra Onderstand.

- Advertisement -

DUNA COMENTARIO

Please enter your comment!
Please enter your name here