Home Gobierno Prome Minister conciente cu crisis heffing di 2.5 % ta bay causa...

Prome Minister conciente cu crisis heffing di 2.5 % ta bay causa dolor!

43
0
SHARE
- Advertisement -

ORANJESTAD (AAN)—Den conferencia di prensa yama pa Prome Minister sra. Evelyn Wever- Croes, tocante e Crisis Heffing di 2.5% cu el a anuncia, di cual un parti ta aumento di BBO-BAZV, a puntre encuanto e compensacion pa esnan mas vulnerable cu ta abarca te un salario di 2.400 florin, na unda e grupo cu ta haya un tiki mas cu esaki ta keda, pasobra e ta birando caba un grupo vulnerable.

Un grupo cu tin cu carga medida y cu tambe ta enfrenta e costo halto di bida cu ta sigui subi sin stop.

E mandatario a admiti cu e Crisis Heffing di 2.5% aki ta un medida cu lo causa dolor indudablemente. El a reitera cu e ta sumamente dificil pa a tuma e medida aki pero ta unico cos cu por a haci y cu si no tume awor, ta bay causa tur hende, specialmente e grupo mas vulnerable, mas dolor.

E mandatario a subraya cu ta hopi importante pa pone esaki den balansa. E ta algo temporal, tambe el a reitera, te ora cambia e sistema di belasting pa trece mas husto y pa esnan di schouder mas hancho carga esnan di schouder small.

E dignatario a acentua cu e compensacion ta yega te na esnan cu tin un entrada di 2.400 florin, y ademas lo baha e prima di AZV pa e pensionadonan.

Cu otro palabra, pa e grupo vulnerable cu tin un salario ban bisa di 2401 florin, ya e compensacion no ta conta y nan lo carga e peso di e medidanan sin ningun alivio. Tin den e grupo aki trahadornan cu tin mas cu 20 aña largo sin un aumento di salario ni di un florin! Pero gastonan si a subi cu yiu pa cria, pa cubri necesidadnan di scol, entre otronan. No tin desahogo pa un grupo cu financieramente ta hogando caba cu e costo di bida asina halto, y te ainda sin control riba prijs di consumo.

- Advertisement -

DUNA COMENTARIO

Please enter your comment!
Please enter your name here