Home Cultura Prome Ministro contento con Aruba a celebra Himno y Bandera

Prome Ministro contento con Aruba a celebra Himno y Bandera

91
0
SHARE
- Advertisement -

ORANJESTAD (AAN): Prome Minister Evelyn Wever-Croes ta felicita henter e pueblo di Aruba cu e bunita forma cu e celebra Dia di Himno y Bandera y ta gradici un y tur cu ta engrandece e dia importante aki.

Den tur skina di Aruba por a nota un speranza, un positivismo y un deseo grandi pa celebra nos Dia Nacional. Por a sinti cu e patriotismo tey atrobe y pa prome biaha den hopi aña Aruba a celebra e fecha aki sin cu tabata tin polemica of discusion di ken a logra kico den nos historia.

E trankilidad y felicidad di nos pueblo na prome luga, ta loke nos por a mira y sinti diadomingo ultimo den henter Aruba.

E Manifestacion Cultural diasabra y e Acto Protocolar diadomingo mainta, a trece nos pueblo hunto. Tabata obvio cu nos cultura y nos hobennan ta central. Pasobra ta a atraves di nos cultura nos ta forma nos hobennan. Y ta a traves di nos hobennan nos ta forma nos futuro. E presentacionnan di varios artista local tabata sumamente bunita. E desfile di gruponan uniforma a duna un realse na e celebracion aki.

Pabien Aruba y danki pa demostra bo orguyo y stimacion pa pais Aruba.

- Advertisement -

DUNA COMENTARIO

Please enter your comment!
Please enter your name here