Home Policial Razzia den Weg Rooi Hundo a produci cantidad di placa y droga

Razzia den Weg Rooi Hundo a produci cantidad di placa y droga

562
0
SHARE
- Advertisement -

ORANJESTAD (AAN): Baho mundo di narco na Aruba, a haya un golpi duro den fin di siman, ora cu autoridad hudicial a tene un razzia.

Ministerio Publico a confirma, cu personal di Unidad Crimen Organiza, cu ayudo di Flex Team, K-9 y personal di distrito Noord, en conexion cu un investigacion cu ta hiba e nomber “Caso Diep”, a haci un entrada hudicial na un cas na Weg Rooi Hundo.

Ora cu a bay tene e razzia, ademas di e habitantenan, nan a topa cu 10 cumprador di droga!  Tambe tabatin 4 habitante den e cas, y nan tur a worde deteni.

Durante di e razzia, nan a eherce un buskeda extenso den e cas na Weg Rooi Hundo, y un cantidad di piedra di cocaina, cantidad di placa y artefactonan a worde haya y confisca.

Sigur un bon trabao di parti di Cuerpo Policial y Departamentonan envolvi pa e hayasgo aki.

 

- Advertisement -

DUNA COMENTARIO

Please enter your comment!
Please enter your name here