Home Deporte RCA ta vence Britannia, na caminda pa topa Estrella den e “Batalla...

RCA ta vence Britannia, na caminda pa topa Estrella den e “Batalla di Gigante”

28
0
SHARE
- Advertisement -

ORANJESTAD(AAN)—Ekipo Tricolor ta bek na su nivel di custumber y ta derota Britannia 2-0. Erik Santos ta habri marcador den prome tempo ariba un bunita cruse di Jeanluc Bergen.

Den di dos tempo RCA tawatin un cantidad di oportunidad pero ta e hoben prospecto Diqion Ras ta anota riba un asistencia di Glembert Croes otro hoben cu hopi talento, ya den final di partido. Un observashon interesante ta cu 8 hungador di 11 cu a start e wega a lanta y pasa den e sistema infantil y hubenil di RCA.

Esaki ta duna hopi satisfacshon na e organisashon cu ta traha duro pa nos hobennan. Tambe mayoria di e cambionan cu a drenta wega pa reforsa ta hobennan di farm-system.

RCA “BIG WHEEL LOTTERY powered by POWERADE” awor ta acumula 21 punto y tin proximo Estrella como contricante. Considera den futbol di Aruba como un “BATTALLA di GIGANTE” Soldatnan di Solito vs Naranhada di St Cruz diasabra awo 8:30 den CDGPT.

Yega pa apoya nos Soldatnan Tricolor cu ta trahando duro pa sigi hasi su fanaticada orguyoso. Na halft time lo bolbe rifa un di e bunita jerseynan Tricolor.

Danki na e cantidad di fanaticada cu ta bin pa copera y apoya nos legendario y exitoso organisashon Sport Veregining Racing Club Aruba.

 

- Advertisement -

DUNA COMENTARIO

Please enter your comment!
Please enter your name here