Home Salud Regulacion nobo pa turista cu kier bin Aruba a drenta na vigor...

Regulacion nobo pa turista cu kier bin Aruba a drenta na vigor 1 di Maart

209
0
SHARE
- Advertisement -

Riba conseho di Organizacion Mundial di Salud

ORANJESTAD   (AAN): Desde 1 di maart ta drenta na vigor un regulacion nobo pa turista cu kier bin Aruba. Un regulacion na bienestar di salud publico di Aruba. E regulacion ta encera cu tur turista cu ta bin di un pais unda cu tin keintura geel of yellow fever segun e lista di WHO, mester presenta un prueba di vacunacion contra keintura geel na personal di imigracion pa nan por drenta Aruba.

E turista mester por prueba por medio di un documento legal cu el a ricibi e vacuna aki por lo menos 10 dia prome cu el a biaha pa Aruba of cu el a haya e vacuna aki den pasado.

E regulacion aki ta wordo implementa riba conseho di Organisacion Mundial di Salud pa purba na evita entrada di e malesa aki na Aruba. Na Aruba nunca antes a conoce un caso di keintura geel, pero nos tin e sangura cu por transmiti e malesa aki cu ta e sangura Aedes aegypti y ta p’esey ta hopi importante pa evita cu un turista por drenta Aruba malo cu keintura geel y di e forma aki introduci esaki na Aruba.

Pa residentenan cu ta bay di vacacion, Departamento di Salud Publico ta pone hopi enfasis pa busca informacion di e destinacion cu bo ta bay bishita y si e pais ta riba e lista di WHO pa gele koorts. Si esaki ta e caso ta recomenda pa busca bo vacuna contra keintura geel por lo menos 10 dia prome cu bo bay di viahe pa proteha bo mes y proteha nos comunidad henter contra introduccion di e malesa aki.

Mester recorda tur persona cu keintura geel su mortalidad ta mas halto cu esun di Dengue, Zika y Chikungunya y pa e motibo aki cu prevencion ta necesario.

Pa mas informacion por tuma contacto di seccion di Malesanan Contagioso di Departamento di Salud Publico na 522-4200

 

 

 

 

 

- Advertisement -

DUNA COMENTARIO

Please enter your comment!
Please enter your name here