Home Social Renaissance Aruba a participa na Earth Hour pagando su luznan

Renaissance Aruba a participa na Earth Hour pagando su luznan

13
0
SHARE
- Advertisement -

ORANJESTAD (AAN)—-  Diasabra ultimo tabata e di 7 aña consecutivo cu Renaissance Aruba Resort & Casino a paga diferente di su luznan durante ‘Earth Hour’.

Pa 8or y mey anochi, ora local tur cu a frecuenta e area di Renaissance Aruba Resort & Casino a tuma nota di un scuridad no usual.

A paga e luznan parti dilanti di Renaissance Mall, Marina Hotel (spotlight blauw na entrada), entrada di Renaissance Marketplace (CILO te cu Seaport Casino), e Boulevard strip (Renaissance su lanternanan), Toren di Crystal Casino y e luz di ‘Seaport Casino’ ariba dak como sosten na ‘Earth Hour’ 2018.

Earth Hour:

Un evento mundial organisa pa World Wide Fund of Nature (WWF) como conscientisacion riba varios problema den nos medioambiente. ‘Earth Hour’ a tuma lugar diasabra dia 24 di maart ultimo y  ta marca inicio di April cu ta e luna di “Conscientisacion riba Medioambiente”.

‘Earth Hour’ a bira e evento di conscientisacion mas grandi na mundo unda cu ta motiva comunidad, empresanan  y gobiernonan pa carga responsabilidad y yuda yega na solucionnan practico pa drecha nos medioambiente.

Ta haci esaki door di paga luz- durante 1 ora- di diferente edificionan prominente of puntonan cu ta destaca den un pais. Aruba tambe a participa grandemente na esaki diasabra ultimo.

Riba fotonan momento cu Renaissance Aruba Resort & Casino a paga su luznan como contribucion y sosten na Earth Hour 2018

 

- Advertisement -

DUNA COMENTARIO

Please enter your comment!
Please enter your name here