Home Comercio Renaissance Aruba ta ofrece dos opcion suculento pa bo Easter Brunch

Renaissance Aruba ta ofrece dos opcion suculento pa bo Easter Brunch

17
0
SHARE
- Advertisement -

ORANJESTAD (AAN): Tur aña di nobo Pasco Grandi ta inspira union y celebracion den famia. Tur hende ta bini hunto pa come, combersa y socialisa. Renaissance Aruba ta un opcion perfecto pa e fin di siman.

Por celebra ‘Easter’ na Aquarius Restaurant cu ta ofrece e brunch buffet mas popular di Aruba of na L.G. Smith’s Steak & Chophouse pa un ambiente mas exclusivo. Tene cuenta cu pa ambos reservacion ta necesario!

Celebra Pasco Grandi cu henter famia na Aquarius Restaurant; for di 12’or di merdia lo ofrece e Easter Brunch. Tuma nota cu e Easter Buffet ta obtenibel riba diadomingo y tambe dialuna pa unicamente $34.95 pa persona, excluyendo 15% service charge y impuesto. Muchanan entre 5 y 12 aña ta paga mitar prijs.

Disfruta di e Aquarius Easter Brunch den grupo di amigo(a) bebiendo un dushi Mimosa y comiendo for di un buffet cu ta explora tur sentido. Ta importante haci reservacion; e brunch na Aquarius Restaurant ta ‘sold-out’ hopi lihe!

Easter Brunch na L.G. Smith’s Steak & Chophouse ta diferente y stylish! Esaki ta un escoho logico pa e trendy millennial.  LGS ta masha atractivo pa tur esunnan cu ta desea di ‘sip’ un Mimosa den un ambiente sofistica y ‘apart’.

E ‘all you can eat’ Easter Buffet riba diadomingo ta costa unicamente $44.95 pa persona; pa brunch den e ‘setting’ di LGS mester haci reservacion.  *Prijs ta exclui service charge.

Por haci reservacion pa ambos restaurant na 523-6156 of por yama e Navigator na 523-6115. For di awor caba, Happy Easter na henter pueblo di Aruba.

- Advertisement -

DUNA COMENTARIO

Please enter your comment!
Please enter your name here