Home Comentario REPRESENTATIVO ?

REPRESENTATIVO ?

8
0
SHARE
- Advertisement -

Remitido:

Ora sigui noticia den prensa cada bes e pregunta ta bin dilanti si e persona of e organisacion ta representativo pa e grupo cu e ta vocifera den prensa. Sigur huridicamente e por funciona segun statuut etc. etc. como representante pero e ta representa  berdad tambe un majoria di tur su miembronan of cuanto di su miembro den realidad e ta representa?

Si nos sigui e comentarionan tocante representacion den Parlamento semper e cantidad di votonan personal cu un politico logra den eleccion ta worde usa como e midi pa califica un Parlamentario como representativo of no. Maske cu e ta eligi segun ley toch den bida diario e sa worde cuestiona si e ta un Parlamentario cu suficiente apoyo pa ta un representante di pueblo.

Maske cu den prensa sa cuestiona un Parlamentario riba su representatividad , nunca no ta cuestiona otro dirigentenan riba nan representatividad. Aki ta referi special na representantenan di comercio/industria y di sindicatonan.

Pa pueblo por forma un idea ta necesario pa pueblo por tin un bista riba cifranan di eleccionnan  interno di e organisacionnan menciona.  Si e organisacionnan aki ke ta transparente y ke gana aceptación publico ta lógico cu nan mester publica e cantidad di miembronan cu derecho di voto , e cantidad di voto deposita, e cantidad di voto cu cada candidato haya y finalmente e candidatonan cu a keda eligi.

Un bon ehempel nos ta topa ora Mediador di Gobierno organisa un referendum den un negoshi pa mira cua sindicato lo bira e sindicato cu mester representa e trahadornan den e negoshi concerni. Mediador ta menciona bon cla e cantidad cu por vota , cuanto voto ta necesario , cuanto a voto y finalmente ken a gana segun e cantidad di voto.

Lo ta bon si tur organisacion di comercio/industria y sindicatonan tuma e  ehempel di Mediador y informa pueblo detayadamente ora ta toca eleccionnan interno di nan organisacion.

E pakico pone atencion riba e punto di representatividad ta pasobra pueblo ta worde confronta cu ponencianan cu ta toca pueblo en general pero pueblo no sa ni por conclui si e personanan cu ta vocifera e ponencianan aki den berdad tin suficiente hende nan tras. Bao capa di un organisacion un persona ta vocifera algo como sifuera cu tur miembro di e organisacion ta para tras di e ponencia aki mientras esaki no semper ta e caso. Sigur den contacto cu Gobierno mester bin claridad cuanto persona un organisacion ta representa ; pesey cifranan di eleccionnan interno di e organisacionnan aki mester ta publico.

Lo ta un bon idea si e organisacionnan aki laga un instancia externo organisa nan eleccionnan interno , segun statuut etc., y informa pueblo di e resultado.  Tanten cu no tin un ley cu ta exigi transparencia , e organisacionnan di nan mes por pidi , por ehempel , Mediador pa organisa nan eleccionnan interno y publica e resultado pa pueblo ta informa.

rsarends@hotmail.com

 

 

- Advertisement -

DUNA COMENTARIO

Please enter your comment!
Please enter your name here