Home Hudicial Ruman muhe chikito di Sarahi tambe ta sospechoso den e caso di...

Ruman muhe chikito di Sarahi tambe ta sospechoso den e caso di morto na De Vuyst

1132
0
SHARE
- Advertisement -

Interogacion fuerte a start riba Saryima Sierra

ORANJESTAD  (AAN): E caso di asesinato di e dama deportista Sarahi Sierra aña pasa na De Vuyst, a dal un vuelta y awor a cuminsa causa un dolor mas grandi den famia.

Esaki pa motibo cu autoridad hudicial a detene su ruman muhe Saryima Sierra, naci dia 11 di Januari, 2000, como un di e sospechosonan, den e caso di morto di su mesun ruman muher.

Informe cu DIARIO a haya for di Vocero di Ministerio Publico, Ann Angela ayeranochi ta mustra cu Saryima a wordo deteni como sospechoso pa ladronicia. Esey ta e motibo. Pero cu e por ta liga cu e asesinato esey ta den investigacion ainda.

Ministerio Publico no por informa nada mas al respecto ya cu esey ta parti di e investigacion cu ta tumando lugar.

Mientrastanto, den transcurso di dia e informacion cu a drenta te cu awor ta cu despues di un investigacion profundo, algun siman pasa a detene e sospechoso Chalgut. Ta worde sospecha awor aki den e investigacion, cu Chalgut a bay horta na e cas na De Vuyst.

Esey ta worde sospecha. Aparentemente e persona aki tabata den e cas, esta Sarahi Sierra, y a worde mata. Esey ta un di e sospechonan cu tin riba Chalgut cu a worde deteni como e prome sospechoso, despues di algun luna, cu e caso a sosode.

Mientras tanto, e investigacion no a para. Diabierna despues di un investigacion basta profundo, a bay over tambe pa detene e ruman muhe di 18 aña.

E ruman muhe deteni aki, tin informacion di autoridad, cu e ta pareha of ta frei cu Chalgut. Chalgut tabata frei prome cu un tanta di e victima, pero awo, e ta frei cu Saryima Sierra cu ta e ruman muhe di Sarahi Sierra.

Tempo cu e asesinato a tuma luga, Saryima Sierra e tabata tin 17 aña di edad. Awo e ta sospechoso, e tin 18 aña y ta mayor di edad. Ta sospech’e di complice.

Ta worde menciona y sospecha cu el a bisa Chalgut, cu tin placa den e cas y eynan Chalgut a bay pa horta y e situacion a pasa unda cu Sarahi Sierra a worde mata.

Awor cu Sarahi a worde mata y a base di investigacion autoridad a logra bin tras di e ruman muhe cu a bisa cu lo tabata tin placa den cas. Awor tin dos sospechoso.

Esaki sigur ta un sla fuerte. E famia, cu ta sufriendo cu morto di Sarahi, awo cu e mal noticia cu un di nan sernan keri, tambe ta sospechoso den e caso lamentable aki na De Vuyst.

Saryima Sierra ta sera na warda di Polis na San Nicolas.

 

- Advertisement -

DUNA COMENTARIO

Please enter your comment!
Please enter your name here