Home General Segun experto di PAHO mester cera dump inmediatamente

Segun experto di PAHO mester cera dump inmediatamente

125
0
SHARE
- Advertisement -

Despues di haci un evaluacion

ORANJESTAD (AAN): Leandro Sandoval Alvarado ta ingeniero trahando pa e Organisacion Panamericano di Salud y ta na Aruba como consultor, den e caso specifico di maneho di residuo solido.

Sandoval ta na Aruba ya pa algun dia caba y riba encargo di PAHO, tres aspecto a wordo defini como obhetivo di su participacion den e consultoria aki. Uno tin di haber cu e tema di remediacion di Parkietenbos. E di dos ta di un buskeda di espacio pa un infrastructura nobo di disposicion final of reyenonan sanitario.

E di tres ta un evaluacion di e alternativanan di tratamento pa e maneho, e disposicion di e residuonan cu ta genera riba Aruba.

Un di e principal resultadonan den e proceso aki di evaluacion rapido, ta e clausura inmediato di Parkietenbos. Sin embargo den e proceso aki di clausura, ta e buskeda di un espacio nobo, un luga nobo, unda pa dispone e residuonan aki. Pa awor aki, tin un luga unda cu ta depositando parti di e residuonan aki y ta evaluando e posibilidad aki.

E tema fundamental akinan ta e forma con ta dispone di sushi. De hecho tin un impacto cu ta ocasionando e presencia di e infrastructura di disposicion final. Tin un impacto den e ambiente, tin contaminacion di awa. Residuo ta bin di tur caminda Parkietenbos, y ta p’esey e luga aki mester wordo cera. Tin residuonan cu ta wordo kima. Evidentemente ta contaminando e ambiente.

Ora cu ta papia di residuonan (sushi) di tur caminda, ta papia di hidrocarburo, medicamento, resto di hospital, restonan di comercial y tambe e parti residencial. No tin ningun tipo di procedimento pa por maneha adecuadamente e luga aki di disposicion final.

E ora eynan, den e proceso aki di evaluacion y e impacto cu ta wordo ocasiona, y pa e presencia directo, na banda di e fuente aki di awa superficial cu ta e zona di lama, ta recomendando ya e proceso aki di clausura. Evidentemente tin un proceso cu tin cu tuma luga y den e proceso aki tin e buskeda di e espacio aki cu ta wordo indica.

Sandoval Alvarado a splica cu e recomendacion cu e tin ta pa cuminsa cu un proceso di clausura. E sushi no por keda den e ambiente exponi di manera directo. Tin presencia di vector, cu ta ocasiona diferente tipo di malesa. E hecho di controla e candela door di kimamento di tur tipo di sushi, evidentemente ta contamina e aire, cu ta bay pa e poblacion.

E recomendacion ta pa cuminsa controla dentro di e proceso di clausura. Esey ta indicacion cu e Organisacion Panamericano di Salud lo bay duna. Tin procedimento pa control di holo, control di incendio cu ta presente na e luga di disposicion final. Control di incendio, evidentemente ta kimando e infrastructura aki y pesey e cantidad di huma ta migra di e luga aki. Esey ta e recomendacion cu nan lo haci, pa haci pa awor aki un control directo dentro di e proceso di ceramento cu lo tuma su tempo.

 

Prepara e clausura

Loke tambe tin den e recomendacion, ta solamente e parti di disposicion final. E ta envolve un sistema di gestion integral, unda cu un di e aspectonan ta e segregacion y separacion di e sushinan aki. Evidentemente no tur tin cu bay un solo luga. Tin cu haci un proceso di separacion. Traha parti domestico, comercial, industrial. E residuonan tambe di tipo peligroso tin cu wordo separa. Eynan ta inclui e sushinan di establecimentonan di salud, cu den algun caso, ta trata di remedi.

 

- Advertisement -

DUNA COMENTARIO

Please enter your comment!
Please enter your name here