Home General Segun Experto di PAHO, ya caba proceso di separacion na Ecogas ta...

Segun Experto di PAHO, ya caba proceso di separacion na Ecogas ta un avance

25
0
SHARE
- Advertisement -

ORANJESTAD    (AAN): Ingeniero Leandro Sandoval Alvarado, ta na Aruba como consultor representando PAHO y el a bishita Ecogas, unda cu nan ta separa e sushi. Evidentemente ya tin un avance den e proceso aki.

E ta algo hopi bon, el a bisa. De hecho por mehora e condicionnan di eficiencia den e maneho di separacion den e planta. Sin embargo ta un avance importante.

E idea ta pa ki haci despues di e proceso aki di separacion. E sushinan aki unda ta wordo hiba y con ta wordo comercialisa. Ki mercado tin pa e comercio aki. Ta datonan cu tin cu envolve pa mira pa produci un ingreso, producto di e comercialisacion di e sushinan ey.

E otronan cu ta keda, e idea ta pa disminui al maximo e sushinan cu ya no tin ningun tipo di balor pa deriva nan na e luganan aki di disposicion final. Tin di compronde cu e practica cu ta bin ta desaroya awo, ta e fabricacion di empake, unda cu ta deposita e sushinan aki. E empakenan aki ta wordo hiba na un luga cu Serlimar ta administra como luga final. Eynan tin cu mehora e condicionnan y ta recomendando, no con tin cu dispone di e sushi. Awo cu e forma aki di disposicion, hibando empake ya compacta.

Esaki ta un problema na America Latina, ta un problema basta fuerte debi na e crecemento importante di e cantidad di generacion di sushi y na e tipo cu tin un variacion, cu awo ta incorporando productonan nobo na e generacion aki. Den vivienda, ya caba ta manehando varios tipo di aparatonan electronico.

Sinembargo tin recomendacionnan cu ta bin dunando no solamente pa e gobierno of e poblacion, maneha e sushinan aki, pero tambe pa esnan cu ta importa of ta produci algun tipo di producto cu por tin un responsabilidad riba nan.

Tin un politica cu ta bin ta manehando awo, cu ta e responsabilidad tambe extendi, di esnan cu ta produci e sushi, pa nan agrega tambe nan responsabilidad. E lo ta parti di e recomendacion. No solamente pensa den e recogemento of almacenamento y disposicion final. Tabata pensando den otro politicanan cu lo yuda den mehora no solamente e generacion, sino evita pa genera e sushinan aki.

Den un pais unda cu su extension ta limita e uzo di espacio di disposicion final, no por duna e luho di tin un infrastructura di e naturalesa ey. E reyeno sanitario ta rekeri espacio y cada biaha cu genera e cantidad di sushi y si nos papia di awo pa aki 20 aña, e cantidad di sushi ta aumenta y ya no lo tin espacio pa dispone di nan. E idea ta pa con ta probecha al maximo y mira tambe e posibilidadnan di probechamento energetico.

Awo tin hopi tipo di tecnologia y e recomendacion tambe ta pa evalua e posibilidadnan aki pa mira kico por wordo haci adicionalmente cu e sushinan aki cu lo ta wordo genera. Cu e cuidado den e probechamentonan aki, di no contamina e ambiente. Mester ta hopi exigente, relaciona cu loke por wordo duna den e tipo di infrastructura aki di probechamento. Si tin emicion, si tin descarga di awa. Tin standardnan cu tin cu cumpli cun’e, segun Sandoval.

Por ta un solucion kima sushi den aparatonan special, dado cu mester disminui e volumen di e sushinan aki. E idea ta pa hiba e menor volumen na e luganan aki di disposicion final. Den e idea aki, esaki por ta un opcion. Awo ta pa evalua e diferente tecnologianan existente y recomenda esun mas practico pa esaki.

Evidentemente, loke ta evidencia, cu tin poco espacio, e ora no por duna e luho pa uza un structura asina. Si esaki wordo uza, e mester ta un minimo cantidad cu tin cu bay na e luganan aki. Cualkier di e tecnologianan aki, tin cu corda cu e lo bay genera algun tipo di residuo.

E residuo eynan tin cu bay na un luga determina. Cualkier sistema di tratamento cu planea, semper lo bay genera un residuo. E no lo bay elimina, e no lo bay evapora. E lo bay genera un tipo di residuo y tin cu busca e espacio, pero den su dimension minimo.

E consultoria tabata basta cortico. Sinembargo pa awor aki lo bay duna e recomendacionnan general, relaciona con pa evalua un infrastructura si efectivamente esaki tin un posibilidad di continuidad. Tin exigencianan den termino di emision. Si por ehempel si ta un planta di inceniracion, si e infrastructura aki tin un sistema di tratamento di e emisionnan aki corecto y si e ta cumpli cu e parametronan ey.

Por lo tanto tin cu wak si e sistema aki di tratamento di emision, di loke ta sali pa atmosfera, ta cumpli cu e standardnan. Loke e organisacion ta bay haci ta recomenda con lo ta analisisnan corespondiente pa mira si ta existi e posibilidad ey. E temperaturanan ta hunga un papel importante.

Tin cu wak si e ta yega na e temperaturanan corecto. Ta e parti tecnico cu tin cu wordo evalua. Aunke cu e tempo tabata cortico, sinembargo lo bay duna e recomendacionnan pa e proceso aki di evaluacion tambe.

 

- Advertisement -

DUNA COMENTARIO

Please enter your comment!
Please enter your name here