Home Comentario Si ta pa Chavistanan y Cubanonan bin traha den refineria mihor e...

Si ta pa Chavistanan y Cubanonan bin traha den refineria mihor e keda cera

113
0
SHARE
- Advertisement -

Opinion:

ORANJESTAD(AAN)—Referiendo na declaracion di parlamentario Sr. Allan Howell ayera den DIARIO riba pagina 25, a presenta na redaccion un grupo grandi di venezolano cu a bin expresa nan opinion .

A wordo menciona cu si e siman aki lo por spera cu Sr. Howell lo bay haci hopi fastioso tocante e situacion di Citgo, pa e haci esaki tambe , pero considerando ademas kico por spera asina cu e refineria cuminza prepara pa drenta den funcion, y kico lo pasa ora cu yega asina leu.

E grupo venezolano ta preocupa y ta puntra cu  si Citgo habri, kende lo bay traha pa e compania ?

Nan ta kere cu lo no ta Arubiano, pero mas bien lo bini mas trahador for di Venezuela cu lo ta chavistanan y entre nan yen di cubano cu gobierno chavista a trece Venezuela y cu lo wordo delega tambe pa traha  na e refineria na Aruba.  Ya tin un grupo hasta cu permiso di trabao cu ta den e refineria y kizas ainda mas cu ta illegal si considera loke a pasa siman pasa cu a gara un set di nan, hasta si abogado ta defende nan bisando cu nan permiso no ta cla ainda.

E grupo no ta di acuerdo pa Citgo habri cu e situacion aki di empleo, pasobra e trahadornan importa lo bin pa haci kico nan kier y hasta manda riba arubianonan y esnan naturaliza hulandes y esnan cu permiso legal pa hopi tempo caba, y esaki lo por causa situacionnan den cual hasta lo por tin perdida di bida si bay contra.

E grupo preocupa ta indica cu lo no mira luz di dia manera sr. Howell ta expresa, pero mas bien ta un scuridad lo por cay riba e isla aki.

Segun e grupo preocupa, mester pone un fin na e hecho cu trabao ta wordo crea riba nos isla y cu na lugar di emplea arubianonan y hulandesnan naturaliza, ta emplea trahadornan importa cu no a psa ningun screening.

“Si ta pa chavistanan y cubanonan drenta, mihor e refineria no habri su porta, y cuminza busca otro empleo pa nos hendenan for di awor, pa nan no keda na caya mañan y oprimi pa esnan cu ta bin di afo cu mente di kier manda”, segun e grupo di Venezolanonan preocupa.

- Advertisement -

DUNA COMENTARIO

Please enter your comment!
Please enter your name here