Home General Si tur caminda rond mundo por paga royalties pa e creacion di...

Si tur caminda rond mundo por paga royalties pa e creacion di artistanan, na Aruba tambe mester por

177
0
SHARE
- Advertisement -

Mr. David Kock:

ORANJESTAD (AAN): Recientemente abogado David Kock a participa na un charla, relaciona cu e intencion di bin cu leynan unda cu entre otro musiconan den futuro lo por cobra e asina yama ‘royalties’, for di bandanan, dj’s y stacionnan di radio cu toca nan cancionnan.

Segun Kock, tin dos camp den esaki.

Un grupo ta contento pasobra nan lo por haya cierto compensacion pa uso di nan creacion.

“Full rond mundo ta asina caba y na Aruba e mester tabata asina tambe for di basta tempo”.

“E otro camp ta esun cu tin cu bay paga pa hasi uso di e creacion di otronan y naturalmente nan no ta mucho contento”.

“Mi ta kere si cu tur hende ta compronde cu ora cu bo hasi uso di derechonan di un hende, esaki ta un violacion di su derecho di autor”.

Esaki segun Mr. Kock, kende a sigui bisa cu no tin ningun motibo pa na Aruba esaki ta diferente.

Un di e preocupacionnan  cu instancianan tin ta riba cuanto e sumanan di royalties lo bira.

“Nos kier pa e ta un win win situation, pues areglonan mester wordo yega riba loke e mester ta”.

“Nos tin un idea riba kico e mester ta, pues no ta asina cu esaki lo cambia substancialmente”, segun e abogado.

Durante un entrevista prensa a puntra Kock con ta bay controla of vigila etc., ora cu na dado momento tin cu cobra e royalties for di por ehempel e emisoranan di radio.

Kock a indica cu lo traha hunto cu SOCAN, cu ta ‘Society of Composers, Authors and Music Publishers of Canada’.

El a indica cu nan tin e capacidad di hasi tur cos.

Riba e anochi di e charla, nan a duna un ehempel tambe riba cua cancionnan a wordo toca na cua emisora di radio etc.

“Pakico tur emisora di radio rond mundo por coopera y esunnan di Aruba por ehempel no?”, segun Kock, kende Pa loke ta un club nocturno y bar etc., lo hasi otro calculacion.

Esaki segun e abogado, kende a indica cu quizas ora cu e lugarnan realiza cuanto nan lo tin cu paga, nan lo ripara cu esaki ta basta razonable.

- Advertisement -

DUNA COMENTARIO

Please enter your comment!
Please enter your name here