Home Deporte Speedworld cu boso amigo Hubert Furai Tiel

Speedworld cu boso amigo Hubert Furai Tiel

61
0
SHARE
- Advertisement -

Amigonan amante di e fabuloso mundo di motorsport, un cordial bon bini un biaha mas, na boso pagina di tur siman tanten cu papa Dios ta permiti nos esey. Den siman, SW a haya diferente yamada di nos amigonan cu tin di haber cu motorsport y cu tin un otro idea, reclamo of placer pa cu e deporte cu nan ta practica.

SW manera semper ta habri pa scucha tur nos amigonan y caminda cu nos por ta percura pa haci algo cu esaki. Dus cu otro palabra, pa nos por ta den contacto cu otro, ata aki e number di cel di SW cu ta 5929653.

Awe SW ta bay dedica parti di e pagina aki na informacion hopi positivo cu ta nos a ricibiendo, encuanto e participacion di nos amigo Matthew Peasch, kende aparte di ta hibando e nomber y bandera di Aruba entre e grandi nan na Merca, ta hayando hopi atencion pa su forma di drive como piloto.

Matthew Peasch ta coriendo bou di e team di Orsolon y ya caba na diferente oportunidad, su nomber ta wordo menciona pa comentaristanan, como un hoben cu tin hopi caminda pa cana, cu su forma unico di stuur e vehiculonan di karting. E fin di siman cu ta tras di lomba, nan a bay core na Nolan Speedway y caminda el a keda na di 2 lugar.

Pa e careda aki Matthew su companero ariba pista, tabata e conocido Antonio Pozzoly cu tabata un driver di formula pa e equipo di BMW Jaguar. Prensa Americano ta pone Matthew ta un contrincante serio cu mester tene hopi cuenta cune.

Fabio Osolon tabata forma parti di Team Brawn GP Honda Formula y awor ta esun encarga cu e team di Karting, den cual Matthew ta formando parti di dje. SW ta desea Matthew hopi exito cu su reto nobo den bida, hibando e nomber di Aruba, entre e grandinan di motorsport.

Ya cu SW tabata papiando di Honda, aki na Aruba nos amigo Dellon Law, ta trahando duro pa asina keda cla pronto cu su proyecto cu ta un auto Honda Civic EK Coupe FWD.

Pa e motibo cu Delon hunto cu su famia, amigo y algun conocirnan a tene un mainta di benta di cuminda, pa asina recauda algo di fondo pa su proyecto, porcierto ta bon nos menciona, cu ya caba e auto di Delon a haya nomber y e lo core cu e nomber di Law racing. E ta bin pa pone ley caminda cu falta.

Mirando cu aki na Aruba ta bay tin un celebracion pa loke ta e di 35 aniversario di International Raceway Park Palo Marga, awe SW ta bay contenta bosonan cu algun potret.

Tur cos ta depende si nos amigo Genio logra di scapa tur e materialnan cu SW tabata tin ya cla caba pa e edicion di 35 aña di Palo Marga y si esey logra, nos lo trece mas material pa contenta cada un di boso nan.

Huppssss espacio a yena, wel te cu otro siman, tanten cu papa Dios ta permiti nos esey.

- Advertisement -

DUNA COMENTARIO

Please enter your comment!
Please enter your name here