Home Gobierno Stipula medidanan ta un di e decisionnan mas dificil pa wordo tuma

Stipula medidanan ta un di e decisionnan mas dificil pa wordo tuma

22
0
SHARE
- Advertisement -

Prome Minister sra. Wever-Croes:

ORANJESTAD (AAN) – Stipula medidanan cu ta afecta pueblo, no ta un decision facil. Posiblemente, ta un di esnan di mas dificil pa tuma, pa cualkier politico. Asina Prome Minister sra. Evelyn Wever-Croes a declara, finalizando e conferencia di prensa, Diahuebs.

E dignatario a subraya cu gobierno a compromete su mes pa soluciona e problemanan financiero di nos pais, y nan ta hacie. Prome Minister a indica cu nan intencion tabata pa haci esey sin aumenta e peso di belasting, pero nan no tabata sa kico a bin haya. Nan tabata sa cu e situacion ta malo, pero no tabata sa cu ta asina malo y no tabata conoce kico tur gobierno anterior tabata tin scondi pa e gobierno nobo.

“Nos a busca tur forma, tur alternativa, y esaki ta locual nos a calcula cu den e situacion dificil cu nos ta aden, ta e formula cu riba diferente tereno nos por brinda solucion y trece alivio.

Locual nos ta pidi comunidad, no ta facil. Pero no tin otro forma. Nos ta hala faha mara awor, y na mes momento nos ta duna compensacion na esnan mas vulnerable y mesora nos ta mira e frutonan di e sacrificio cu nos ta haci awor.

Awe nos ta haci esaki pa nos yiunan y nan yiunan tin un futuro riba nos dushi Aruba. Pa nan tin oportunidadnan cu tanto nos ta desea pa nan, y pa nos debe nacional no strangula nan, y kita nan oportunidadnan”, e dignatario a reitera.

El a reitera tambe cu Aruba ta enfrentando retonan grandi y solamente den union por confronta e retonan aki. “Y uni nos lo surpasa, nos lo sali hopi mas fuerte di nan, y asina sigura e bienestar di nos futuro generacionnan di nos Aruba dushi tera”, e dignatario a conclui.

- Advertisement -

DUNA COMENTARIO

Please enter your comment!
Please enter your name here