Home General Ta e Tata agresivo mes a yega Tanki Leendert pa maltrata hende

Ta e Tata agresivo mes a yega Tanki Leendert pa maltrata hende

53
0
SHARE
- Advertisement -

Reaccion

ORANJESTAD (AAN): Recientemente a sali den circulacion, e informe di un caso di maltrato na Tanki Leendert, sigui pa detencion.

E informe a circula cu Polis a detene un padrastro debi cu e lo a maltrata mucha chikito.  Esaki a socede despues cu e tata a yega na e cas pa reclama, etc.

Awor di famia mes, a bin haya sa e otro banda di medaya, indicando cu nada di e maltrato ey no ta cuadra cu realidad.

“Absolutamente esey no ta berdad,” a ser splica na DIARIO.

Nan ta splica, cu ta e tata mes, di inicial S.V.M. a yega e dia ey na nan cas, a djis drenta e cura di cas sin permiso, y reclamando un supuesto abuso di e padrastro riba su yiu.

E tata S.V.M. aki a agredi tanto e padrastro y e mama di su yiu fisicamente.  E ora e padrastro a actua den defensa propio, pero cu malasuerte cu el a herida e tata na su braza.

Awor prensa a haya sa, cu esaki no ta e prome biaha cu e tata S.V.M. aki ta bay daña trankilidad di e cas ey.  E ta haci esey na trabao tambe!

A ser mustra, cu Polis di Aruba tin varios rapport traha cu ta proba e problema di S.V.M. pa cu agresividad.  Nan a yega di denuncie caba den pasado pa menaza di morto.

E mama di e mucha a haya cu ta su deber di aclarea e version incorecto cu a plama den prensa, y cu a pinta e padrastro C.C. den mal luz.

E ta algo inhusto, pasobra ta hopi hende sa cu e tabata un padrastro ehemplar pa e mucha homber, semper dunando su amor incondicional y dedicacion na e mucha.

- Advertisement -

DUNA COMENTARIO

Please enter your comment!
Please enter your name here